Agni Purana · Chapter 277

:e ity āgneye mahāpurāṇe rājavaṃśavarṇanaṃ nāma
ṣaṭsaptatyadhikadviśatatamo 'dhyāyaḥ
:n
1 dadhivāmanobhūditi kha.. , cha.. , ña.. , ca..
:p 23
% chapter {277}
:ś atha saptasapratyadhikadviśatatamo 'dhyāyaḥ
puruvaṃśavarṇanaṃ
agnir uvāca
purorjanamejayo 'bhūtprācīnnantastu tatsutaḥ /AP_277.001ab/
prācīnnantānmanastyustu tasmādvītamayo nṛpaḥ

śundhurvītamayāccābhūcchundhorbahuvidhaḥ(1) sutaḥ /AP_277.002ab/
bahuvidhācca saṃyātirahovādī ca tatsutaḥ

tasya putro 'tha bhadrāśoa bhadrāśvasya daśātmajāḥ /AP_277.003ab/
ṛceyuś ca kṛṣeyuś ca sannateyus tathātmajaḥ

ghṛteyuś ca citeyuś ca sthaṇḍileyuś ca sattamaḥ /AP_277.004ab/
dharmeyuḥ sannateyuś ca kṛceyurmatinārakaḥ

taṃsuroghaḥ pratirathaḥ purasto matinārajāḥ /AP_277.005ab/
āsītpatirathātkaṇvaḥ kaṇvānmedhātithistvabhūt

taṃsuroghācca catvāro duṣmanto 'tha pravīrakaḥ /AP_277.006ab/
sumantaścānayo vīro duṣmantādbharato 'bhavat

śakuntalāyāntu balī yasya nāmnā tu bhāratāḥ /AP_277.007ab/
suteṣu mātṛkopena naṣṭeṣu bharatasya ca

tato marudbhirānīya putraḥ sa tu vṛhaspateḥ /AP_277.008ab/
saṃkrāmito bharadvājaḥ kratubhirvitatho 'bhavat

sa cāpi vitathaḥ putrān janayāmāsa pañca vai /AP_277.009ab/
:n
1 śagbhurvītamayāścābhūcchambhorbahuvidha iti kha.. , ja.. , ca..
:p 24
suhotrañca suhotāraṅgayaṅgarbhantathaiva ca

kapilaś ca mahātmānaṃ suketuñca sutadvayam /AP_277.010ab/
kauśikañca gṛtsapatiṃ tathā gṛtsapateḥ sutāḥ

brahmāṇāḥ kṣatriyā vaiśyāḥ kāśe dīrghatamāḥ(1)sutāḥ /AP_277.011ab/
tato dhanvantariścāsīttatsuto 'bhūcca ketumān

ketumato hemaratho divodāsa itiśrutaḥ /AP_277.012ab/
pratardano divodāsādbhargavatsau pratardanāt

vatsādanarka āsīcca anarkāt kṣemako 'bhavat /AP_277.013ab/
kṣemakadvarṣaketuś ca varṣaketorvibhuḥ smṛtaḥ(2)

vibhorānartaḥ putro 'bhūdvibhoś ca sukumārakaḥ /AP_277.014ab/
sukumārātsatyaketurvatsabhūmistu vatsakāt

suhotrasya vṛhatputro vṛhatastanayāstrayaḥ /AP_277.015ab/
ajamīḍho dvimīḍhaś ca purumīḍhaś ca vīryavān

ajamīḍhasya keśinyāṃ jajñe jahnuḥ pratāpavān(3) /AP_277.016ab/
jahnorabhūdajakāśvo balākāśvastadātmajaḥ

valākāśvasya kuśikaḥ kuśikāt gādhirindrakaḥ /AP_277.017ab/
gādheḥ satyavatī kanyā viśvāmitraḥ sūtottamaḥ

devarātaḥ katimukhā viśvāmitrasya te sutāḥ /AP_277.018ab/
śunaḥśepho 'ṣṭakaścānyo hy ajamīḍhāt suto 'bhavat

nīlinyāṃ śāntiraparaḥ purujātiḥ suśāntitaḥ /AP_277.019ab/
:n
1 kāśadīrghatamā iti ja..
2 suta iti kha.. , cha.. , ja.. , ca
3 prabhāvavāniti kha..
:p 25
purujātestu vāhyāśvo vāhyāścvāt pañca pārthivāḥ

mukulaḥ sṛñjayaś caiva rājā vṛhadiṣus tathā /AP_277.020ab/
yavīnaraś ca(1) kṛmilaḥ pāñcālā iti viśrutāḥ

mukulasya tu maukulyāḥ kṣetropetā dvijātayaḥ /AP_277.021ab/
cañcāśvo mukulājjajñe cañcāśvānmithunaṃ hy abhut

divodāso hy ahalyā ca ahalyāyāṃ śaradvatāt /AP_277.022ab/
śatānandaḥ śatānandāt satyadhṛnmithunantataḥ

kṛpaḥ kṛpī kivodāsānmaitreyaḥ somapastataḥ /AP_277.023ab/
sṛñjayāt pañcadhanuṣaḥ somadattaś ca tatsutaḥ

sahadevaḥ somadattāt sahadevāttu somakaḥ /AP_277.024ab/
āsīcca somakājjanturjantoś ca pṛṣataḥ sutaḥ

pṛṣatāddrupadastasmāddhṛṣṭadyumno 'tha tatsutaḥ /AP_277.025ab/
dhṛṣṭhaketuś ca dhūminyāmṛkṣo 'bhūdajamīḍhataḥ

ṛkṣātsamvaraṇo jajñe kuruḥ samvaraṇāttataḥ /AP_277.026ab/
yaḥ prayāgādapākramya kurukṣetrañcakāra ha

kuroḥ sudhanvā sudhanuḥ parikṣiccārimejayaḥ /AP_277.027ab/
sudhanvanaḥ suhotro 'bhūt suhotrāccyavano hy abhūt

vaśiṣṭhaparicārābhyāṃ saptāsan girikāsutāḥ /AP_277.028ab/
vṛhadrathaḥ kuśo vīro yaduḥ pratyagraho balaḥ

matsyakālī kuśāgro 'to hy āsīdrājño vṛhadrathāt /AP_277.029ab/
kuśāgrādvṛṣabho jajñe tasya satyahitaḥ sutaḥ

sudhanvā tatsutaścorja ūrjādāsīcca sambhavaḥ /AP_277.030ab/
:n
1 yavīnacaśceti kha.., cha.. , ña.. , ca
:p 26
sambhavācca jarāsandhaḥ sahadevaś ca tatsutaḥ

sahadevādudāpiś ca udāpeḥ śrutakarmakaḥ /AP_277.031ab/
parikṣitasya dāyādo dhārmiko janamejayaḥ

janamejayāttrasadasyurjahnostu surathaḥ sutaḥ /AP_277.032ab/
śrutasenograsenau ca bhīmasenaś ca nāmataḥ

janamejayasya putrau tu suratho mahimāṃs tathā /AP_277.033ab/
surathādvidūratho 'bhūdṛkṣa āsīdvidūrathāt

ṛkṣasya tu dvitīyasya bhīmaseno 'bhavatsutaḥ /AP_277.034ab/
pratīpo bhīmasenāttu pratīpasya tu śāntanuḥ

devāpirvāhlikaś caiva somadattastu śāntanoḥ /AP_277.035ab/
vāhlikātsomadatto 'bhudbhūrirbhūrisravāḥ śalaḥ

gaṅgāyāṃ śāntanorbhīṣmaḥ kālyāyāṃ vicitravīryakaḥ /AP_277.036ab/
kṛṣṇadvaipāyanaś caiva kṣetre vaicitravīryake

dhṛtaraṣṭrañca pāṇḍuñca vidurañcāpyajījanat /AP_277.037ab/
pāṇḍoryudhiṣṭhiraḥ kuntyāṃ bhīmaś caivārjunastrayaḥ

nakulaḥ sahadevaś ca pāṇḍormādyrāñca daivataḥ /AP_277.038ab/
arjunasya ca saubhadraḥ parikṣidabhimanyutaḥ

draupadī pāṇḍavānāñca priyā tasyāṃ yudhiṣṭhirāt /AP_277.039ab/
prativindhyo bhīmasenācchrutakīrtirdhanañjayāt(1)

sahadevācchrutakarmā śatānīkastu nākuliḥ /AP_277.040ab/
bhīmasenāddhiḍimbāyāmanya āsīd ghaṭītkacaḥ

ete bhūtā bhaviṣyāś ca nṛpāḥ saṃkhyā na vidyate /AP_277.041ab/
:n
1 atra pāṭhaḥ patitaḥ dhanañjayāt ka utpanna iti
viśeṣāprāpteḥ
:p 27
gatāḥ kālena kālo hi haristaṃ pūjayeddvija
homamagnausamuddiśya kuru sarvapradaṃ yataḥ