Agni Purana · Chapter 212

:e ity āgneye mahāpurāṇe nānādānāni
nāmaikādaśādhikadviśatatamo 'dhyāyaḥ ||
% Chapter {212}
:ś atha dvādaśādhikadviśatatamo 'dhyāyaḥ
merudānāni
agnir uvāca
kāmyadānāni vakṣyāmi sarvakāma pradāni te /AP_212.001ab/
nityapūjāṃ māsi māsi kṛtvātho kāmyapūjanaṃ

vratārhaṇaṃ guroḥ pūjā vatsarānte mahārcanaṃ /AP_212.002ab/
aśvaṃ vai mārgaśairṣe tu kamalaṃ piṣṭasambhavaṃ

śivāya pūjya yo dadyāt sūryaloke ciraṃ vaset(1) /AP_212.003ab/
:n
1 svargaloke ciraṃ vasediti ga.. , gha.. , ṅa.. , ṭa.. ca / śivaloke ciraṃ vasediti
jha..
:p 272
gajaṃ pauṣe piṣṭamayaṃ trisaptakulamuddharet

māghe cāśvarathaṃ paiṣṭhaṃ dattvā narakaṃ vrajet /AP_212.004ab/
phālgune tu vṛṣaṃ paiṣṭaṃ svargabhuk syānmahīpatiḥ

caitre cekṣumayīṃ gāvandāsadāsīsamanvitāṃ /AP_212.005ab/
dattvā svarge ciraṃ sthitvā tadante syānmahīpatiḥ

saptavrīhīṃś ca vaiśākhe dattvā śivamayo bhavet /AP_212.006ab/
balimaṇḍalakañcānnaiḥ kṛtvāṣāḍhe śivo bhavet

vimānaṃ śrāvaṇe pauṣpaṃ dattvā svargī tato nṛpaḥ /AP_212.007ab/
śatadvayaṃ phalānāntu dattvoddhṛtya kulaṃ nṛpaḥ

guggulādi dahedbhādre svargī sa syāttato nṛpaḥ /AP_212.008ab/
kṣīrasarpirbhṛtaṃ pātramāśvine svargadambhavet

kārttike guḍakhaṇḍājyaṃ dattvā svargī tato nṛpaḥ /AP_212.009ab/
merudānaṃ dvādaśakaṃ vakṣye 'haṃ bhuktimuktidaṃ

meruvrate tu kārttikyāṃ ratnamerundaded dvije /AP_212.010ab/
sarveṣāñcaiva merūṇāṃ pramāṇaṃ kramaśaḥ śṛṇu

vajrapadmamahānīlanīlasphaṭikasañjñitaḥ /AP_212.011ab/
puṣpaṃ marakataṃ muktā prasthamātreṇa cottamaḥ

madhyo 'rdhaḥ syāttadardho 'dho vittaśāṭhyaṃ vivarjayet /AP_212.012ab/
kārṇikāyāṃ nyasenmeruṃ brahmaviṣṇvīśadaivataṃ

mālyavān pūrvataḥ pūjyastatpūrve bhadarasañjñitaḥ /AP_212.013ab/
aśvarakṣastataḥ prokto niṣadho merudakṣiṇe

hemakūṭo 'tha himavān trayaṃ saumye tathā trayaṃ /AP_212.014ab/
nīlaḥ śvetaś ca śṛṅgī ca paścime gandhamādanaḥ

:p 273
vaikaṅkaḥ ketumālaḥ syānmerurdvādaśasaṃyutaḥ /AP_212.015ab/
sopavāso 'rcayedviṣṇuṃ śivaṃ vā snānapūrvakaṃ

devāgre cārcya meruñca mantrair viprāya vai dadet /AP_212.016ab/
viprāyāmukagotrāya merundravyamayamparaṃ

bhuktyai muktyai nirmalatve viṣṇudaivaṃ dadāmi te /AP_212.017ab/
indraloke brahmaloke śivaloke hareḥ pure

kulamuddhṛtya krīḍeta vimāne devapūjitaḥ /AP_212.018ab/
anyeṣvapi ca kāleṣu saṅkrāntyādau pradāpayet

palānāntu sahasreṇa hemamerumprakalpayet /AP_212.019ab/
śṛṅgatrayasamāyuktaṃ brahmaviṣṇuharānvitaṃ

ekaikaṃ parvatantasya śataikaikena kārayet /AP_212.020ab/
meruṇā saha śailāstu khyātāstatra trayodaśa

ayane grahaṇādau ca viṣṇvagre harimarcya ca /AP_212.021ab/
svarṇameruṃ dvijāyārpya viṣṇuloke ciraṃ vaset

paramāṇavo yāvanta iha rājā bhavecciraṃ /AP_212.022ab/
raupyameruṃ dvādaśādriyutaṃ saṅkalpato dadet(1)

prāguktaṃ ca phalaṃ tasya viṣṇuṃ vipraṃprapūjya ca /AP_212.023ab/
bhūmimeruñca viṣayaṃ maṇḍalaṃ grāmameva ca(2)

parikalpyāṣṭamāṃśena śeṣāṃśāḥ(3) pūrvavat phalaṃ /AP_212.024ab/
dvādaśādrisamāyuktaṃ hastimerusvarūpiṇaṃ

:n
1 saṅkalpya taddadediti ga.. , gha.. , ṅa.. , ña.. ca
2 maṇḍalaṃ grāmameveti ga.. , jha.. , ṭa.. ca
3 śeṣāṅgā iti kha..
:p 274
dadettripuruṣair yuktaṃ dattvānantaṃ phalaṃ labhet /AP_212.025ab/
tripañcāśvair aśvameruṃ hayayadvādaśasaṃyutaṃ

viṣṇvādīn pūjya taṃ dattvā bhuktabhogo nṛpo bhavet /AP_212.026ab/
aśvasaṅkhyāpramāṇena gomeruṃ pūrvavaddadet

paṭṭavastrair bhāramātrair vastrameruś ca madhyataḥ /AP_212.027ab/
śailair dvādaśavastraiś ca dattvā tañcākṣayaṃ phalaṃ

ghṛtapañcasahasraiś ca palānāmājyaparvataḥ /AP_212.028ab/
śataiḥ pañcabhirekaikaḥ pārvate 'smin hariṃ yajet

viṣṇvagre brāhmaṇāyārpya sarvaṃ prāpya hariṃ vrajet /AP_212.029ab/
evaṃ ca khaṇḍameruñca kṛtvā dattvāpnuyāt phalaṃ

dhānyameruḥ pañcakhāro 'para ekaikakhārakāḥ /AP_212.030ab/
svarṇatriśṛṅgakāḥ sarve brahmaviṣṇumaheśvarān

sarveṣu pūjya viṣṇuṃ vā viśeṣādakṣayaṃ phalaṃ /AP_212.031ab/
evaṃ daśāṃśamānena tilameruṃ prakalpayet

śṛṅgāṇi pūrvavattasya tathaivānyanageṣu ca /AP_212.032ab/
tilameruṃ pradāyātha bandhubhirviṣṇulokabhāk(1)

namo viṣṇusvarūpāya dharādharāya vai namaḥ /AP_212.033ab/
brahmaviṣṇvīśaśṛṅgāya dharānābhisthitāya ca

nagadvādaśanāthāya sarvapāpāpahāriṇe /AP_212.034ab/
viṣṇubhaktāya śāntāya trāṇaṃ me kuru sarvathā

niṣpāpaḥ pitṛbhiḥ sārdhaṃ viṣṇuṃ gacchāmi oṃ namaḥ /AP_212.035ab/
:n
1 bandhubhirbrahmalokabhāgiti jha..
:p 275
tvaṃ haristu hareragre ahaṃ viṣṇuś ca viṣṇave