Agni Purana · Chapter 208

tāvanmāsopavāsaḥ syādadhikaṃ phalamapyataḥ /AP_207.006ab/
:e ity āgneye mahāpurāṇe kaumudavrataṃ nāma saptādhikadviśatatamo
'dhyāyaḥ ||
% Chapter {208}
:ś athāṣṭādhikadviśatatamo 'dhyāyaḥ
vratadānādisamuccayaḥ
agnir uvāca
vratadānāni sāmānyaṃ pravadāmi samāsataḥ /AP_208.001ab/
tithau pratipadādau ca sūryādau kṛttikāsu ca

viṣkambhādau ca meṣādau kāle ca grahaṇādike /AP_208.002ab/
yat kāle yad vrataṃ dānaṃ yad dravyaṃ niyamādi yat

tad dravyākhyañca kālākhyaṃ sarvaṃ vai viṣṇudaivataṃ /AP_208.003ab/
ravīśabrahmalakṣmyādyāḥ(2) sarve viṣṇorvibhūtayaḥ

tamuddiśya vrataṃ dānaṃ pūjādi syāttu sarvadaṃ /AP_208.004ab/
jagatpate samāgaccha āsanaṃ pādyamarghyakaṃ

madhuparkaṃ tathācāmaṃ snānaṃ vastañca gandhakaṃ /AP_208.005ab/
:n
1 bhojanāni iti ga.. , ja.. ca
2 ravīśabrahmalokeśā iti ja..
:p 253
puṣpaṃ dhūpaś ca dīpaś ca naivedyādi namo 'stu te

iti pūjāvrate dāne dānavākyaṃ samaṃ śṛṇu /AP_208.006ab/
adyāmukasagotrāya viprāyāmukaśarmaṇe

etad dravyaṃ viṣṇudaivaṃ sarvapāpopaśāntaye/AP_208.007ab/
āyurārogyavṛddhyarthaṃ saubhāgyādivivṛddhaye(1)

gotrasantativṛddhyarthaṃ vijayāya dhanāya ca /AP_208.008ab/
dharmāyaiśvaryakāmāya tatpāpaśamanāya ca

saṃsāramuktaye dānantubhyaṃ sampradade hy ahaṃ /AP_208.009ab/
etaddānapratiṣṭhārthaṃ tubhyametad dadāmyahaṃ

etena prīyatāṃ nityaṃ sarvalokapatiḥ prabhuḥ /AP_208.010ab/
yajñadānavratapate vidyākīrtyādi dehi me

dharmakāmārthamokṣāṃś ca dehi me manasepsitaṃ /AP_208.011ab/
yaḥ paṭhecchṛṇuyānnityaṃ vratadānasamuccayaṃ

sa prāptakāmo vimalo bhuktimuktimavāpnuyāt /AP_208.012ab/
tithivārarkṣasaṅkrāntiyogamanvādikaṃ vrataṃ