Agni Purana · Chapter 185

:e ity āgneye mahāpurāṇe aṣṭamīvratāni nāma
caturaśītyadhikaśatatamo 'dhyāyaḥ ||
% Chapter {185}
:ś atha pañcāśītyadhikaśatatamo 'dhyāyaḥ
navamīvratāni ||
agnir uvāca
navamīvratakaṃ vakṣye bhuktimuktyādisiddhidaṃ /AP_185.001ab/
devī pūjyāśvine śukle gauryākhyānavamīvrataṃ

:n
1 gato vīra iti kha.. , ga.. , gha.. , ṅa.. , ja.. , ña.. ca
2 vīreṇeti ṭa..
3 pitarau tadeti kha..
:p 213
piṣṭakākhyā tu navamī piṣṭāśī devapūjanāt /AP_185.002ab/
aṣṭamyāmāśvine śukte kanyārkamūlabhe yadā

aghārdanā sarvadā vai mahatī navamī smṛtā /AP_185.003ab/
durgā tu navagehasthā ekāgārasthitāthavā

pūjitāṣṭādaśabhujā śeṣāḥ ṣoḍaśamatkarāḥ(1) /AP_185.004ab/
śeṣāḥ ṣoḍaśahastāḥ syurañjanaṃ ḍamaruntathā

rudracaṇḍā pracaṇḍā ca caṇḍogrā saṇḍanāyikā /AP_185.005ab/
caṇḍā caṇḍavatī pūjyā caṇḍarūpāticaṇḍikā

kramānmadhye cogracaṇḍā durgā mahiṣamardinī(2) /AP_185.006ab/
oṃ durge durge rakṣaṇi svāhā daśākṣāro mantraḥ

dīrghākārādimantrādir navanetro namo 'ntikaḥ /AP_185.007ab/
ṣaḍbhiḥ padair namaḥsvadhāvaṣaṭkārahṛdādikaṃ

aṅguṣṭhādikaniṣṭhāntaṃ nyasyāṅgāni japecchivāṃ(3) /AP_185.008ab/
etañjapati(4) yo guhyaṃ nāsau kenāpi bādhyate

kapālaṃ kheṭakaṃ ghaṇṭāṃ darpaṇantarjanīndhanuḥ /AP_185.009ab/
dhvajaṇḍamarukaṃ pāśaṃ vāmahasteṣu vibhratīṃ

śaktimudgaraśūlāni vajraṃ khaḍgañca kuntakaṃ /AP_185.010ab/
śaṅkhaṃ cakraṃ śalākāṃ ca āyudhāni ca pūjayet

paśuñca kālī kālīti japtvā khaḍgena ghātayet /AP_185.011ab/
kāli kāli vajreśvari lauhadaṇḍāyai namaḥ

:n
1 ṣoḍaśahastakā iti ṅa..
2 kramāt madhye copacaṇḍāṃ kṭtvā mahiṣamardinīmiti ga..
3 dīrghākārādītyādiḥ, japecchivāmityantaḥ pāṭhaḥ gha.. , ja..
, jha.. , ña.. pustake nāsti
4 evaṃ japatīti ja.. , jha.. ca
:p 214
tadutthaṃ rudhiraṃ māṃsaṃ pūtanāyai ca nairṛte /AP_185.012ab/
vāyavyāṃ pāparākṣasyai carakyai nama īśvare

vidārikāyai cāgneyyāṃ mahākauśikamagnaye(1) /AP_185.013ab/
tasyāgrato nṛpaḥ snāyācchatruṃ piṣṭamayaṃ haret(2)

dadyāt skandaviśākhābhyāṃ brāhmādyā niśi tā yajet /AP_185.014ab/
jayantī maṅgalā kālī bhadrakālī kapālinī

durgā śivā kṣamā dhātrī svāhā svadhā namo 'stu te /AP_185.015ab/
devīṃ pañcāmṛtaiḥ snāpya pūjayeccārhaṇādinā