Agni Purana · Chapter 184

dharmaṃ kāmaṃ ca saubhāgyaṃ svargaṃ mokṣaṃ ca dehi me /AP_183.018ab/
:e ity āgneye mahāpurāṇe jayantyaṣṭamīvrataṃ nāma
tryaśītyadhikaśatatamo 'dhyāyaḥ ||
:n
1 sarvadā iti gha.. , ṅa.. ca
2 viśveśāya namo 'stu te iti ja..
3 pāragamiti ga.. / sarvāyetyādiḥ. pāvanamityantaḥ pāṭhaḥ cha..
pustake nāsti
4 kṛṣṇalokabhāgiti cha..
5 putrārtho labhate sutamiti ja.. , ṭa.. ca
:p 210
% Chapter {184}
:ś atha caturaśityadhikaśatatamo 'dhyāyaḥ
aṣṭamīvratāni
agnir uvāca
brahmādimātṛyajanājjapen mātṛgaṇāṣṭamīṃ /AP_184.001ab/
kṛṣṇāṣṭābhyāṃ caitramāse pūjyābdaṃkṛṣṇamarthabhāk

kṛṣṇāṣṭamīvrataṃ vakṣye māse mārgaśire caret /AP_184.002ab/
naktaṃ kṛtvā śucirbhūtvā gomūtraṃ prāśayenniśi

bhūmiśāyī niśāyāñca śaṅkaraṃ pujayed vratī /AP_184.003ab/
pauṣe śambhuṃ ghṛtaṃ prāśya māghe kṣīraṃmaheśvaram(1)

mahādevaṃ phālgune ca tilāśī(2) samupoṣitaḥ /AP_184.004ab/
caitre sthāṇuṃ yavāśī ca vaiśākhe 'tha śivaṃ yajet

kuśodaśī paśupatiṃ jyaiṣṭhe śṛṅgodakāśanaḥ /AP_184.005ab/
āṣāḍhe gomayāśyugraṃ śrāvaṇe sarvamarkabhuk

tryambakaṃ ca bhādrapade bilvapatrāśano niśi /AP_184.006ab/
taṇḍulāśī cāśvayuje īśaṃ rudantu kārttike

dadhyāśī homakārī syādvarṣānte maṇḍale yajet(3) /AP_184.007ab/
govastrahema gurave dadyādviprebhya īdṛśaṃ

prārthayitvā dvijān bhojya(4) bhuktimuktimavāpnuyāt /AP_184.008ab/
:n
1 māghe kṣīrī maheśvaramiti gha.. , cha.. , ña.. ca
2 tilādīti ja..
3 varṣe varṣe tu maṇḍale iti ña..
4 dvijān toṣya iti ja..
:p 211
naktāśī tvaṣṭamīṣu syād vatsarānte ca dhenudaḥ

paurandaraṃ padaṃ yāti svargativratamucyate(1) /AP_184.009ab/
aṣṭamī budhavāreṇa pakṣayorubhayoryadā

tadā vrataṃ prakurvīta athavā saguḍāśitā /AP_184.010ab/
tasyāṃ niyamakartāro na syuḥ khaṇḍitasampadaḥ

taṇḍulasyāṣṭamuṣṭīnāṃ varjayitvāṅgulīdvayaṃ /AP_184.011ab/
bhaktaṃ kṛtvā cāmrapuṭe sakuśe sakulāmbikāṃ

sāttvikaṃ pūjayitvāṅgaṃ bhuñjīta ca kathāśravāt /AP_184.012ab/
śaktito dakṣiṇāndadyāt karkaṭīntaṇḍulānvitāṃ(2)

dhīro dvijo 'sya(3) bhāryāsti rambhā putrastu kaiśikaḥ /AP_184.013ab/
duhitā vijayā tasya dhīrasya dhanado vṛṣaḥ(4)

kauśikastaṃ gṛhītvā tu gopālaiścārayan vṛṣaṃ /AP_184.014ab/
gaṅgāyāṃ snānakṛtye 'tha(5) nītaś caurair vṛṣastadā

snātvā vṛṣamapaśyan sa vṛṣaṃ mārgitumāgataḥ /AP_184.015ab/
vijayābhaginīyukto dadarśa sa sarovare

divyastrīyoṣitāṃ vṛndamavravīddehi bhojanaṃ /AP_184.016ab/
strīvṛndamūce vratakṛd bhuṅkṣva tvamatithiryataḥ

vrataṃ kṛtvā sa bubhuje prāptavān vanapālakaṃ /AP_184.017ab/
:n
1 sugativratamucyate iti kha.. , gha.. , cha.. , ja.. , ña.. , ṭa.. ca
/suśāntivratamucyate iti ja..
2 karkarīntaṇḍulānvitāmiti kha.. , gha.. , ṅa.. ca /
gargarīntaṇḍulānvitāmiti jha..
3 vīro dvijo 'syeti ga.. , gha.. , ṅa.. , ja.. , ña.. ca
4 vīrasya dhanapo vṛṣa iti kha.. , cha.. , ṭa.. ca / vīrasya dhanado
vṛṣa iti gha.. , ṅa.. , ja.. , ña.. ca
5 snānakṛtyeṣu iti ṭa..
:p 212
gato dhīraḥ(1) savṛṣabho vijayāsahitastadā

dhīreṇa(2) vijayā dattā yamāyāntaritaḥ pitā /AP_184.018ab/
vratabhāvāt kauśiko 'pi hy ayodhyāyāṃ nṛpo 'bhavat

pitrostu narake dṛṣṭvā vijayārtiṃ yame gatā /AP_184.019ab/
mṛgayāmāgataṃ proce mucyate narakāt kathaṃ

vratadvayādyamaḥ proce prāpya tat kaiśiko dadau /AP_184.020ab/
budhāṣṭamīdvayaphalaṃ svargatau pitarau tataḥ(3)

vijayā harṣitā cakre vrataṃ bhuktyādisiddhaye /AP_184.021ab/
aśokakalikāścāṣtau ye pivanti punarvasau

caitre māsi sitāṣṭamyāṃ na te śokamavāpnuyuḥ /AP_184.022ab/
tvāmaśokaharābhīṣṭa madhumāsasamuḍgava

pivāmi śokasantapto māmaśokaṃ sadā kuru /AP_184.023ab/
caitrādau mātṛpūjākṛdaṣṭamyāṃ jayate ripūn