Agni Purana · Chapter 178

:e ity āgneye mahāpurāṇe dvitīyāvratāni nāma
saptasaptatyadhikaśatatamo 'dhyāyaḥ ||
% Chapter {178}
:ś athāṣṭasaptatyadhikaśatatamo 'dhyāyaḥ
tṛtīyāvratāni
agnir uvāca
tṛtīyāvratānyākhyāsye bhuktimuktipradāni te /AP_178.001ab/
lalitāyāṃ tṛtīyāyāṃ mūlagaurīvrataṃ śṛṇu

tṛtīyāyāṃ caitraśukle ūḍhā gaurī hareṇa hi /AP_178.002ab/
tilasnāto 'rcayecchambhuṃ gauryā haimaphalādibhiḥ

namo 'stu pāṭalāyaiva pādau devyāḥ śivasya ca /AP_178.003ab/
śivāyeti ca saṅkīrtya jayāyai gulphayoryajet

tripuraghnāya rudrāya bhānyai jaṅghayordvayaoḥ /AP_178.004ab/
śivaṃ rudrāyeśvarāya(1) vijayāyaiva jānunī

īśāyeti kaṭiṃ devyāḥ(2) śaṅkarāyeti śaṅkaram /AP_178.005ab/
:n
1 śivaṃ rudrāya viśvāyeti kha.. , cha.. ca / śivaṃ bhadrāyeśvarāyeti ja..
, jha.. , ña.. , ṭa.. ca
2 īśāya kaṭyāṃ devyāś ca iti ṅa.. / īśāyeti tāto devyā iti
gha..
:p 202
kukṣidvayañca koṭavyai śūlinam śūlapāṇaye

maṅgalāyai namastubhyamudarañcābhipūjayet /AP_178.006ab/
sarvātmane namo rudramaiśānyai ca kucadvayaṃ

śivaṃ devātmane tadvat hrādinyai(1) kaṇṭhamarcayet /AP_178.007ab/
mahādevāya ca śivamanantāyai karadvayaṃ

trilocanāyeti haraṃ bāhuṃ kālānalapriye(2) /AP_178.008ab/
saubhāgyāyai maheśāya bhūṣaṇāni prapūjayet

aśokamadhuvāsinyai īśvarāyeti cauṣṭhakau /AP_178.009ab/
caturmukhapriyā cāsyaṃ harāya sthāṇave namaḥ

namo 'rdhanārīśaharamamitāṅgyai ca nāsikāṃ /AP_178.010ab/
nama ugrāya lokeśaṃ laliteti punarbhruvau

sarvāya purahantāraṃ(3) vāsantyai caiva tālukaṃ(4) /AP_178.011ab/
namaḥ śrīkaṇṭhanāthāyai śitikaṇṭhāya keśakaṃ

bhīmogrāya supūpiṇyai śiraḥ sarvātmane namaḥ /AP_178.012ab/
mallikāśokakamalakundantagaramālatī(5)

kadambakaravīrañca(6) vāṇamamlānakuṅkumaṃ /AP_178.013ab/
sindhuvārañca māseṣu sarveṣu kramaśaḥ smṛtaṃ

umāmaheśvarau pūjya saubhāgyāṣṭakamagrataḥ(7) /AP_178.014ab/
:n
1 śivaṃ vedātmane tadvadrūpiṇyai iti gha.. , ja.. , ña.. ca
2 harañcāntakālānalapriye iti kha.. , gha.. , ja.. , ña.. ca
3 purahartāramiti gha..
4 vāsanyai ca tathālakamiti cha.. , ṭa.. ca
5 mallikāśokakamalacchadaṃ tagaramālatī iti kha.. , gha.. , ja.. ca
6 kundañca karavīrañceti kha.. , gha.. , ja.. ca
7 mallikāśoketyādiḥ, saubhāgyāṣṭakamagrataḥ ity antaḥ cha..
pustake nāsti
:p 203
sthāpayed(1) ghṛtaniṣpāvakusumbhakṣīrajīvakaṃ

tarurājekṣulavaṇaṃ(2) kustumburumathāṣṭamaṃ /AP_178.015ab/
caitre śṛgodakaṃ prāśya devadevyagrataḥ svapet

prātaḥ snātvā samabhyarcya vipradāmpatyamarcayet(3) /AP_178.016ab/
tadaṣṭakaṃ dvije dadyāllalitā prīyatāṃ mama(4)

śṛṅgodakaṃ(5) gomayaṃ ca mandāraṃ bilvapatrakaṃ /AP_178.017ab/
kuśodakaṃ dadhi kṣīraṃ kārttike pṛṣadājyakam

gomūtrājyaṃ kṛṣṇatilaṃ pañcagavyaṃ kramāśanaṃ /AP_178.018ab/
lalitā vijayā bhadrā bhavānī kumudā śivā

vāsudevī tathā gaurī maṅgalā kamalā satī /AP_178.019ab/
caitrādau dānakāle ca prīyatāmiti vācayet

phalamekaṃ pavitrājyaṃ(6) vratānte śayānaṃ dadet /AP_178.020ab/
umāmaheśvaraṃ haimaṃ vṛṣabhañca gavā saha

guruñca mithunānyarcya(7) vastrādyair bhuktimuktibhāk(8) /AP_178.021ab/
saubhāgyārogyarūpāyuḥ saubhāgyaśayanavratān

nabhasye vātha vaiśākhe kuryānmārgaśirasyatha(9) /AP_178.022ab/
:n
1 arpayediti kha.. , cha.. ca
2 tṛṇarājekṣulavaṇamiti kha.. , cha.. , ṭa.. ca
3 dvijadāmpatyamarcayediti kha.. , gha.. , cha.. , ṭa.. ca
4 lalitā prīyatāmiti ṭa..
5 pṛṣṭhodakamiti ña.. / kūpodakamiti ja.. , jha.. ca
6 parityājyamiti ka.. , ja.. , ṭha.. ca / parityajyeti kha.. , cha.. ca / parigrāhyamiti
ṅa..
7 guruṃ mithunamabharcyeti ṅa..
8 vastrādyaiḥ sarvamāpnuyāditi kha.. , gha.. , ṅa.. , cha.. , jha.. , ña.. , ṭa..
ca
9 kuryādvā mārgaśīrṣake iti ṅa.. , ña.. ca
:p 204
śuklapakṣe tṛtīyāyām lalitāyai namo yajet

pratipakṣaṃ tataḥ prārcya vratānte(1) mityunāni ca /AP_178.023ab/
caturviṃśatimabhyarcya vastrādyair bhuktimuktibhāk

ukto mārgo dvitīyo 'yaṃ saubhāgyavratamāvade /AP_178.024ab/
phālguṇāditṛtīyāyāṃ lavaṇaṃ yastu varjayet

samāpte śayanandadyādgṛhaścopaskarānvitaṃ /AP_178.025ab/
sampūjya vipramithunaṃ bhavānī prīyatāmiti(2)

saubhāgyārthaṃ tṛtīyoktā gaurīlokādidāyinī /AP_178.026ab/
māghe bhādre ca vaiśākhe tṛtīyāvratakṛttathā

damanakatṛtīyākṛt caitre damanakair yajet /AP_178.027ab/
ātmatṛtīyā mārgasya prārcyecchābhojanādinā

gaurī kālī umā bhadrā durgā kāntiḥ sarasvatī /AP_178.028ab/
vaiṣṇavī lakṣmīḥ prakṛtiḥ śivā nārāyaṇī kramāt(3)

mārgatṛtīyāmārabhya saubhāgyaṃ svargamāpnuyāt