Agni Purana · Chapter 177

vaiśvānarapadaṃ yāti śikhivratamidaṃ smṛtaṃ /AP_176.007ab/
:e ity āgneye mahāpurāṇe pratipadvratāni nāma
ṣaṭsaptatyadhikaśatatamo 'dhyāyaḥ ||
:n
1 akṣamālāśrucaṃ dakṣe iti cha..
2 vāme daṇḍakamaṇḍalu iti cha.. , jha.. / vāme śruvakamaṇḍalu iti
cha..
3 naktaṃ kṛccābhyupoṣita iti ga..
:p 199
% Chapter {177}
:ś atha saptasaptatyadhikaśatatamo 'dhyāyaḥ
dvitīyāvratāni
agnir uvāca
dvitīyāvratakaṃ vakṣye bhuktimuktidāyakaṃ /AP_177.001ab/
puṣpāhārī dvitīyāyāmaśvinau pūjayet surau

abdaṃ svarūpasaubhāgyaṃ svargabhāg jāyate vratī /AP_177.002ab/
kārttike śuktipakṣasya(1) ditīyāyāṃ yamaṃ yajet

abdamupoṣitaḥ svargaṃ gacchenna narakaṃ vratī /AP_177.003ab/
aśūnyaśayanaṃ vakṣye avaidhavyādidāyakaṃ

kṛṣṇapakṣe dvitīyāyāṃ śrāvaṇāsya caredidaṃ /AP_177.004ab/
śrīvatsadhārin śrikānta śrīdhāman śrīpate 'vyaya

gārhasthyaṃ mā praṇāśaṃ me yātu dharmārthakāmadaṃ /AP_177.005ab/
agnayī mā praṇaśyantu mā praṇaśyantu devatāḥ

pitaro mā praṇaśyantu matto dāmpatyabhedataḥ /AP_177.006ab/
lakṣmyā viyujyate devo na kadāśidyathā bhavān

tathā kalatrasambandho deva mā me vibhidyatāṃ /AP_177.007ab/
lakṣmyā na śūnyaṃ varada yathā te śayanaṃ vibho

śayyā mamāpyaśūnyāstu tathaiva madhusūdana /AP_177.008ab/
lakṣmīṃ viṣṇuṃ yajedavdaṃ dadyācchayyāṃ phalāni ca

pratimāsaṃ ca somāya dadyādarghyaṃ samantrakaṃ /AP_177.009ab/
:n
1 śuktapakṣe tu iti ga..
:p 200
gaganāṅgaṇasandīpa dugdhābdhimathanodbhava

bhābhāsitādigābhoga rāmānuja namo 'stu te /AP_177.010ab/
oṃ śrīṃ śrīdharāya namaḥ somātmānaṃ hariṃ yajet

ghaṃ ḍhaṃ bhaṃ haṃ śriyai namo daśarūpamahātmane /AP_177.011ab/
ghṛtena homo naktañca śayyāṃ dadyāddvijātaye(1)

dīpānnabhājanair yuktaṃ chatropānahamāsanaṃ /AP_177.012ab/
sodakumbhañca pratimāṃ viprāyātha ca pātrakaṃ(2)

patnyā ya evaṃ kurute bhuktimuktimavāpnuyāt /AP_177.013ab/
kāntivrataṃ pravakṣyāmi kārttikasya site caret

naktabhojī dvitīyāyāṃ pūjayed balakeśavau /AP_177.014ab/
varṣaṃ prāpnoti vai kāntimāyurārogyakādikaṃ

atha śiṣṇuvrataṃ vakṣye manovāñchitadāyakaṃ /AP_177.015ab/
pauṣaśukladvitīyādi kṛtvā dinacatuṣṭayaṃ

pūrvaṃ siddhārthakaiḥ snānaṃ tataḥ kṛṣṇatilaiḥ(3)smṛtaṃ /AP_177.016ab/
vacayā ca tṛtīye 'hni sarvauṣadhyā caturthake

murāmāṃṣī vacā kuṣṭhaṃ śaileyaṃ rajanīdvarya(4) /AP_177.017ab/
saṭī campakamustañca sarvauṣadhigaṇaḥ smṛtaḥ

nāmnā kṛṣṇācyutānanta hṛṣīkeśeti pūjayet /AP_177.018ab/
pāde nābhyāṃ cakṣuṣi ca kramācchirasi puṣpakaiḥ

śaśicandraśaśāṅkendusañjñābhiścārghyaṃ indave /AP_177.019ab/
naktaṃ bhuñjīta ca naro yāvattiṣṭhati candramāḥ

:n
1 śayyāṃ dadyāddvitīyake iti kha.. , ga.. , gha.. , ṅa.. , cha.. , ja.. , ña.. ,
ṭa.. ca
2 viprāyātha ca pānakamiti gha.. , ña.. ca
3 śuktatilair iti ga..
4 pūrvaṃ siddhārthakair ityādiḥ, rajanīdvayamityantaḥ pāṭhaḥ
jha.. pustake nāsti
:p 201
ṣaṇmāsaṃ pāvanaṃ cābdaṃ prāpnuyāt sakalaṃ vratī /AP_177.020ab/
etad vrataṃ nṛpaiḥ strībhiḥ kṛtaṃ pūrvaṃ surādibhiḥ