Agni Purana · Chapter 15

:e ity ādimahāpurāṇe āgneye mahābhāratavarṇanaṃ nāma caturdaśo
'dhyāyaḥ
% Chapter {15}
:ś atha pañcadaśo 'dhyāyaḥ
pāṇḍavacaritavarṇanam
agnir uvāca
yudhiṣṭhire tu rājyasthe āśramādāśramāntaram /AP_15.001ab/
dhṛtarāṣṭro vanamagād gāndhārī ca pṛthā dvija

vidurastvagninā dagdho vanajena divaṅgataḥ /AP_15.002ab/
evaṃ viṣṇurbhuvo bhāramaharaddānavādikam

dharmāyādharmanāśāya nimittīkṛtya pāṇḍavān /AP_15.003ab/
sa vipraśāpavyājena muṣalenāharat kulam

yādavānāṃ bhārakaraṃ vajraṃ rājyebhyaṣecayat /AP_15.004ab/
devadeśāt prabhāse sa dehaṃ tyaktvā svayaṃ hariḥ

indraloke brahmaloke pūjyate svargavāsibhiḥ /AP_15.005ab/
balabhadronantamūrtiḥ pātālasvargamīyivān

avināśī harirdevo dhyānibhirdhyeya eva saḥ /AP_15.006ab/
vinā taṃ dvārakāsthānaṃ plāvayāmāsa sāgaraḥ

saṃskṛtya yādavān pārtho dattodakadhanādikaḥ /AP_15.007ab/
striyoṣṭāvakraśāpena bhāryā viṣṇoś ca yāḥ sthitāḥ

punastacchāpato nītā gopālair laguḍāyudhaiḥ /AP_15.008ab/
arjunaṃ hi tiraskṛtya pārthaḥ śokañcakāra ha

vyāsenāśvāsito mene balaṃ me kṛṣṇasannidhau /AP_15.009ab/
:n
1 mauṣaleneti kha, cihnitapustakapāṭhaḥ
2 svargamāpnuyāditi kha, ga, cihnitapustakadvayapāṭhaḥ
:p 38
hastināpuramāgatya pārthaḥ sarvaṃ nyavedayat

yudhiṣṭhirāya sa bhrātre pālakāya nṛṇāntadā /AP_15.010ab/
taddhanustāni cāstrāṇi sa rathaste ca vājinaḥ

vinā kṛṣṇena tannaṣṭaṃ dānañcāśrotriye yathā /AP_15.011ab/
tac chrutvā dharmarājastu rājye sthāpya parīkṣitam

prasthānaṃ prasthito dhīmān draupadyā bhrātṛbhiḥ saha /AP_15.012ab/
saṃsārānityatāṃ jñātvā japannaṣṭaśataṃ hareḥ

mahāpathe tu patitā draupadī sahadevakaḥ /AP_15.013ab/
nakulaḥ phālguno bhīmo rājā śokaparāyaṇaḥ

indrānītarathārūḍhaḥ sānujaḥ svargamāptavān /AP_15.014ab/
dṛṣṭvā duryodhanādīṃś ca vāsudevaṃ ca harṣitaḥ
etatte bhārataṃ proktaṃ yaḥ paṭhetsa divaṃ vrajet