Agni Purana · Chapter 14

:e ity ādimahāpurāṇe āgneye ādiparvādivarṇanaṃ nāma trayodaśo
'dhyāyaḥ
% Chapter {14}
:ś atha caturdaśo 'dhyāyaḥ
kurupāṇḍavasaṅgrāmavarṇanam
agnir uvāca
yaudhiṣṭhirī dauryodhanī kurukṣetraṃ yayau camūḥ /AP_14.001ab/
bhīṣmadroṇādikān dṛṣṭvā nāyudhyata gurūniti

pārthaṃ hy uvāca bhagavānnaśocyā bhīṣmamukhyakāḥ /AP_14.002ab/
śarīrāṇi vināśīni na śarīrī vinaśyati

:n
1 vidurānvita iti kha, cihnitapustakapāṭhaḥ
:p 35
ayamātmā paraṃ brahma ahaṃ brahmasmi viddhi tam /AP_14.003ab/
siddhyasiddhyoḥ samo yogī rājadharmaṃ prapālaya

kṛṣṇoktothārjuno 'yudhyadrathastho vādyaśabdavān /AP_14.004ab/
bhīṣmaḥ senāpatirabhūdādau dauryodhane bale

pāṇḍavānāṃ śikhaṇḍī ca tayoryuddhaṃ babhūva ha /AP_14.005ab/
dhārtarāṣṭrāḥ pāṇḍavāṃś ca jaghnuryuddhe sabhīṣmakāḥ

dhārtarāṣṭrān śikhaṇḍyādyāḥ pāṇḍavā jaghnurāhave /AP_14.006ab/
devāsurasaṃ yuddhaṃ kurupāṇdavasenayoḥ

babhūva svasthadevānāṃ paśyatāṃ prītivardhanaṃ /AP_14.007ab/
bhīṣmostraiḥ pāṇḍavaṃ sainyaṃ daśāhobhirnyapātayat

daśame hy arjuno vāṇair bhīṣmaṃ vīraṃ vavarṣa ha /AP_14.008ab/
śikhaṇḍī drupadokto 'strair vavarṣa jalado yathā

hastyaśvarathapādātamanyonyāstranipātitam(1) /AP_14.009ab/
bhīṣmaḥ svacchandamṛtyuś ca yuddhamārgaṃ pradarśya ca

vasūkto vasulokāya śaraśayyāgataḥ sthitaḥ /AP_14.010ab/
uttarāyaṇamīkṣaṃś ca dhyāyan viṣṇuṃ stavan sthitaḥ

duryodhane tu śokārte droṇaḥ senāpatistvabhut /AP_14.011ab/
pāṇdave harṣite sainye ḍhṛṣṭadyumnaś camūpatiḥ

tayoryuddhaṃ babhūvograṃ yamarāṣṭravivardhanam /AP_14.012ab/
virāṭadrupadādyāś ca nimagnā droṇasāgare

dauryodhanī mahāsenā hastyaśvarathapattinī /AP_14.013ab/
dhṛṣṭadyumnādhipatitā droṇaḥ kāla ivābabhau

hatośvatthāmā cetyukte droṇaḥ śastrāṇi cātyajat /AP_14.014ab/
dhṛṣṭadyumnaśarākrāntaḥ patitaḥ sa mahītale

:n
1 anyonyāstranipīḍitamiti kha, gha, cihnitapustakadvayapāṭhaḥ
:p 36
pañcamehani durdharṣaḥ sarvakṣatraṃ pramathya ca /AP_14.015ab/
duryodhane tu śokārte karṇaḥ senāpatistvabhūt

arjunaḥ pāṇḍavānāñca tayoryuddhaṃ babhūva ha /AP_14.016ab/
śastrāśastri mahāraudraṃ devāsuraraṇopamam

karṇārjunākhye saṅgrāme karṇorīnabadhīccharaiḥ /AP_14.017ab/
dvitīyāhani karṇastu arjunena nipātitaḥ

śalyo dinārdhaṃ yuyudhe hy abadhīttaṃ yudhiṣṭhiraḥ /AP_14.018ab/
yuyudhe bhīmasenena hatasainyaḥ suyodhanaḥ

bahūn hatvā narādīṃś ca bhīmasenamathābravīt /AP_14.019ab/
gadayā praharantaṃ tu bhīmastantu vyapātayat

gadayānyānujāṃstasya tasminnaṣṭādeśehani /AP_14.020ab/
rātrau suṣuptañca balaṃ pāṇḍavānāṃ nyapātayat

akṣauhiṇīpramāṇantu aśvatthāmā mahābalaḥ /AP_14.021ab/
draupadeyān sapāñcālān dhṛṣṭadyumnañca so 'badhīt

putrahīnāṃ draupadīṃ tāṃ rudantīmarjunastataḥ /AP_14.022ab/
śiromaṇiṃ tu jagrāha aiṣikāstreṇa tasya ca

aśvatthāmāstranirdagdhaṃ jīvayāmāsa vai hariḥ /AP_14.023ab/
uttarāyāstato garbhaṃ sa parīkṣidabhūnnṛpaḥ

kṛtavarmā kṛpo drauṇistrayo muktāstato raṇāt /AP_14.024ab/
pāṇḍavāḥ sātyakiḥ kṛṣṇaḥ sapta muktā na cāpare

striyaścārtāḥ samāśvāsya bhīmādyaiḥ sa yudhiṣṭhiraḥ /AP_14.025ab/
saṃskṛtya prahatān vīrān dattodakadhanādikaḥ

bhīṣmācchāntanavācchrutvā dharmān sarvāṃś ca śāntidām /AP_14.026ab/
rājadharmānmokṣadharmāndānadharmān nṛpo 'bhavat

aśvamedhe dadau dānaṃ brāhmaṇebhyorimardanaḥ /AP_14.027ab/
:p 37
śrutvārjunānmauṣaleyaṃ(1) yādavānāñca saṅkṣayam /AP_14.027cd/
rājye parīkṣitaṃ sthāpya sānujaḥ svargamāptavān (2)