Agni Purana · Chapter 109

% Chapter {109}
:ś atha navādhikaśatatamo 'dhyāyaḥ
tīrthamāhātmyaṃ
agnir uvāca
māhātmyaṃ sarvatīrthānāṃ vakṣye yadbhaktimuktidaṃ /AP_109.001ab/
yasya hastau ca pādau ca manaś caiva susaṃyataṃ(1)

vidyā tapaś ca kīrtiś ca sa tīrthaphalamaśnute /AP_109.002ab/
:n
1 svasaṃyatamiti gha..
:p 371
pratigrāhādupāvṛtto laghvāhāro jitendriyaḥ

niṣpapastīrthayātrī tu sarvayajñaphalaṃ labhet /AP_109.003ab/
anupoṣya trirātrīṇi tīrthānyanabhigamya ca

adatvā kāñcanaṃ gāś ca daridro nāma jāyate /AP_109.004ab/
tīrthābhiogamane(1) tat syādyadyajñenāpyate phalaṃ

puṣkaraṃ paramaṃ tīrthaṃ sānnidhyaṃ hi trisandhyakaṃ /AP_109.005ab/
daśakoṭisahasrāṇi tīrthānāṃ vipra puṣkare

brahmā saha surair āste munayaḥ sarvamicchavaḥ /AP_109.006ab/
devāḥ prāptāḥ siddhimatra snātāḥ pitṛsurārcakāḥ(2)

aśvamedhaphalaṃ prāpya(3) brahmalokaṃ prayānti te /AP_109.007ab/
kārttikyāmannadānācca nirmalo brahmalokabhāk(4)

puṣkare duṣkaraṃ gantuṃ(5) puṣkare duṣkaraṃ tapaḥ /AP_109.008ab/
duṣkaraṃ puṣkare dānaṃ vastuṃ caiva suduṣkaraṃ(6)

tatra vāsājjapacchrāddhāt kulānāṃ śatamuddharet /AP_109.009ab/
jambumārgaṃ ca tatraiva tīrthantaṇḍulikāśramaṃ

karṇāśramaṃ(7) koṭitīrthaṃ narmadā cārvudaṃ paraṃ /AP_109.010ab/
tīrthañcarmaṇvatī sindhuḥ somanāthaḥ prabhāsakaṃ

sarasvatyabdhisaṅgaś ca(8) sāgarantīrthamuttamaṃ /AP_109.011ab/
:n
1 tīrthādigamane iti gha..
2 pitṛsurārcitā iti kha..
3 aśvamedhaphalaścāsyeti kha.. , ga.. , cha.. ca / aśvamedhaphalaṃ cāpyeti
gha..
4 brahmalokakamiti kha.. , ga.. , ṅa.. , cha.. ca
5 duṣkaraṃ gantumiti kha..
6 vastuṃ tatra suduṣkaramiti ja..
7 kaṇvāśramamiti gha..
8 sarasvatyabdhisañjñayeti ga.. , gha.. , ja.. ca
:p 372
piṇḍārakaṃ dvārakā ca gomatī sarvasiddhidā

bhūmitīrthaṃ brahmatuṅgaṃ(1) tīrthaṃ pañcanadaṃ paraṃ /AP_109.012ab/
bhīmatīrthaṃ(2) girīndrañca devikā pāpanāśinī

tīrthaṃ vinaśanaṃ puṇyaṃ nāgodbhedamaghārdanaṃ /AP_109.013ab/
tīrthaṃ kumārakoṭiś ca sarvadānīritāni ca

kurukṣetraṃ gamiṣyāmi kurukṣetre vasāmyahaṃ /AP_109.014ab/
ya evaṃ satataṃ brūyātso 'malaḥ prāpnuyāddivaṃ

tatra viṣṇvādayo devāstatra vāsāddhariṃ vrajet(3) /AP_109.015ab/
sarasvatyāṃ sannihityāṃ snānakṛdbrahmalokabhāk(4)

pāṃśavopi kurukṣetre nayanti paramāṃ gatiṃ /AP_109.016ab/
dharmatīrthaṃ suvarṇākhyaṃ gaṅgādvāramanuttamaṃ

tīrthaṃ kaṇakhalaṃ puṇyaṃ bhadrakarṇahradantathā(5) /AP_109.017ab/
gaṅgāsasvatīsaṅgaṃ brahmāvartamaghārdanaṃ

bhṛgutuṅgañca kubjāmraṃ gaṅgodbhedamaghāntakaṃ(6) /AP_109.018ab/
vārāṇasī varantīrthamavimuktamanuttamaṃ

kapālamocanaṃ tīrthantīrtharājaṃ prayāgakaṃ /AP_109.019ab/
gomatīgaṅgayoḥ saṅgaṃ gaṅgā sarvatra nākadā

tīrthaṃ rājagṛhaṃ puṇyaṃ śālagrāmamaghāntakaṃ /AP_109.020ab/
:n
1 ṛṣitīrthaṃ brahmatuṅgamiti gha.. / bhūmitīrthaṃ
brahmasañjñamiti cha..
2 bhīmātīrthamiti gha..
3 vāmāddivaṃ brajediti ja..
4 brahmalokaga iti kha.. , ga.. , gha.. , ṅa.. , cha.. , ja.. ca
5 tatra karṇahradaṃ tatheti kha.. / bhadrakaṃ tu hradaṃ tatheti ga.. , ṅa..
ca
6 gaṅgodbhedamavantikamiti ja..
:p 373
vaṭeśaṃ vāmanntīrthaṃ kālikāsaṅgamuttamaṃ(1)

lauhityaṃ karatoyākhyaṃ śoṇañcātharṣabhaṃ paraṃ /AP_109.021ab/
śrīparvataṃ kolvagiriṃ(2) sahyādrirmalayo giriḥ

godāvarī tuṅgabhadrā kāvero varadā nadī /AP_109.022ab/
tāpī payoṣṇī revā ca daṇḍakāraṇyamuttamaṃ

kālañjaraṃ muñjavaṭantīrthaṃ sūrpārakaṃ paraṃ /AP_109.023ab/
mandākinī citrakūṭaṃ śṛṅgaverapuraṃ paraṃ(3)

avantī paramaṃ tīrthamayodhyā pāpanāśanī /AP_109.024ab/
naimiṣaṃ paramaṃ tīrthaṃ bhuktimuktipradāyakaṃ(4)