Agni Purana · Chapter 107

aṣṭālindaṃ bhavedevaṃ(3) nagarādau gṛhāṇi hi /AP_106.024ab/
:e ity āgeneye mahāpurāṇe nagarādivāsturnāma ṣaḍadhikaśatatamo
'dhyāyaḥ ||
% Chapter {107}
:ś atha saptādhikaśatatamo 'dhyāyaḥ
svāyambhuvasargaḥ
agnir uvāca(4)
vakṣye bhuvanakoṣañca pṛthvīdvīpādilakṣaṇaṃ /AP_107.001ab/
agnidhraścāgnibāhuś ca vapuṣmāndyutimāṃs tathā

medhā medhātithirbhavyaḥ savanaḥ putra eva ca(5) /AP_107.002ab/
:n
1 gṛhāṇi nagarādiṣu iti jha.. / gṛhāṇi nagarāṇi tu iti kha..
2 viṃśa eva ceti kha.. , cha.. ca
3 aṣṭābhirvibhajedevamiti cha..
4 īśvara uvāceti kha.. , cha.. ca
5 savanaḥ kṣaya eva ca iti ka..
:p 365
jyotiṣmān daśamasteṣāṃ satyanāmā suto 'bhavat

priyabratasutāḥ khyātāḥ saptadvīpāndadau pitā /AP_107.003ab/
jambudvīpamathāgnīdhre plakṣaṃ medhātitherdadau

vapuṣmate śālmalañca jyotiṣmate kuśāhvayaṃ /AP_107.004ab/
krauñcadvīpaṃ dyutimate śākaṃ bhavyāya dattavān

puṣkaraṃ savanāyādādagnīdhre 'dāt sute śataṃ(1) /AP_107.005ab/
jambūdvīpaṃ pitā lakṣaṃ nābherdattaṃ himāhvayaṃ

hemakūṭaṃ kimpuruṣe harivarṣāya naiṣadhaṃ /AP_107.006ab/
ilāvṛte merumadhye ramye nīlācalaśritaṃ(2)

hiraṇvate śvetavarṣaṃ kurūṃstu kurave dadau /AP_107.007ab/
bhadrāśvāya ca bhadrāśvaṃ ketumālāya paścimaṃ

meroḥ priyavrataḥ putrānabhiṣicya yayau vanaṃ /AP_107.008ab/
śālagrāme tapastaptvā yayau viṣṇorlayaṃ nṛpaḥ

yāni kumpuruṣādyāni hy aṣṭavarṣāṇi sattama /AP_107.009ab/
teṣāṃ svābhāvikī siddhiḥ sukhaprāyā hy ayatnataḥ

jarāmṛtyubhayaṃ nāsti dharmādharmau yugādikaṃ /AP_107.010ab/
nādhamaṃ madhyamantulyā himāddeśāttu nābhitaḥ(3)

ṛṣabho merudevyāñca ṛṣabhād bharato 'bhavat /AP_107.011ab/
ṛṣabho dattaśrīḥ putre śālagrāme hariṅgataḥ

bharatād bhārataṃ varṣaṃ bharatāt sumatistvabhūt(4) /AP_107.012ab/
bharato dattalakṣmīkaḥ śālagrāme hariṃ gataḥ

:n
1 sutebhya u iti kha.. , cha.. ca
2 ramyenīlācalāśriyamiti kha.. , ṅa.. , jha.. ca / ramyaṃ nīlācale
sthitamiti gha..
3 himāddeśāntanābhita iti cha..
4 sumatistata iti ga..
:p 366
sa yogī yogaprastāve(1) vakṣye taccaritaṃ punaḥ /AP_107.013ab/
sumatestejasastasmādindradyumno vyajāyata(2)

parameṣṭhī tatastasmāt pratīhārastadanvayaḥ /AP_107.014ab/
pratīhārāt pratīhartā pratiharturbhuvastataḥ

udgītotha ca prastāro vibhuḥ prastārataḥ sutaḥ(3) /AP_107.015ab/
pṛthuś caiva tato nakto naktasyāpi gayaḥ sutaḥ

naro gayasya tanayaḥ tatputro 'bhūdvirāṭ tataḥ /AP_107.016ab/
tasya putro mahāvīryo dhīmāṃstasmādajāyata

mahāntastatsutaścābhūnmanasyastasya cātmajaḥ /AP_107.017ab/
tvaṣṭā tvaṣṭuś ca virajā(4)rajastasyāpyabhūt sutaḥ

satyajidrajasastasya jajñe putraśataṃ mune /AP_107.018ab/
viśvajyotiḥpradhānāste bhāratantair vivardhitaṃ