Abhidharmadīpa · Verses 121-140

abhyudgacchati kāmāptaṃ dharmairdvādaśabhiḥ saha /
akliṣṭāvyākṛtaṃ cittaṃ raśmivāniva raśmibhiḥ

tathāṣṭādaśabhiścittairnivṛtaṃ jāyate manaḥ /
dvāviṃśatyā sahāvaśyaṃ śubhaṃ bhavati mānasam

cetasossaha viṃśatyā cittamutpadyate 'śubham /
dṛṅmohamātrayuktaṃ yat krodhādyaistvadhikaṃ vadet

sarvatra saṃbhavānmiddhaṃ yatra syāttatra nirdiśet /
tadvadeva ca kaukṛtyamadhikaṃ gaṇayetkvacit

sāśubhaṃ middhakaukṛtyaṃ rūpadhātau na vidyate /
dhyānāntare vitarkaśca vicāraścāpi nopari

saṃprayuktaḥ saṃskāraḥ samatā yasya pañcadhā /
viprayuktaśca boddhavyaḥ samatā yasya nāstyasau

viśiṣṭānāmasadbhāvātprasaṃgo nāsti rūpiṇām /
saṃskāragrahaṇāccaiva khādīnāṃ na prasajyate

prāptyādayastu saṃskārā viprayuktāstrayodaśa /
āptoktisvakriyāliṅgā liṅgameṣāṃ gadiṣyate

rāptiḥ samanvitirlabdhirdharmavattā vyavasthitiḥ

śrutacintāmayānāṃ ca samāpattidvayasya ca

niḥkleśasaṃskṛtāpūrvaṃ śubhānāṃ tu rajasvatām /
ādilābhe saha prākca tadūrdhvaṃ vā tridheṣyate

kliṣṭāṇāṃ kuśalānāṃ ca tadanyeṣāṃ tridhā matā /
nivṛtāvyākṛtā jñānanirmāṇamanasāṃ tathā

nirvāṇasyādito lābhe nityasyānyasya sarvadā /
ajā tavartamānā ca kadācittu tridheṣyate

ekārtharuciheturyaḥ sattvānāṃ sa sabhāgatā /
āsaṃjñikaṃ vipāko yaccittopacchedyasaṃjñiṣu

śubhāsaṃjñisamāpattirdhyāne 'ntye cittarodhinī /
niḥsṛtīcchāpravṛttitvāt nāryasya āpyā prayogataḥ

nirodhākhyā tu vijñeyā vijihīrṣorbhavāgrajā /
śubhāryasya prayogāpyā dvivedyāniyatā matā

cetaścatuṣṭayāyogādāgamādupapattitaḥ /
nirveditamanobhāvātsiddhyatīyamacittikā

gatiprajñaptyupādānamāyuścittoṣmaṇoḥ sthitiḥ /
āgamādyuktitaścaiva dravyatastatsadiṣyate

jātiḥ sthitirjarānāśaḥ saṃskṛtāṅkacaṣṭatuyī /
catvāri sthitināstitve hetutvādyaprasiddhitaḥ

śaktihānerjarāsiddhiḥ nānyatvāt pariṇāmitā /
ekakāritranāśābhyāṃ śaktihāniḥ prasiddhyati