वल्लालचरित · अध्याय 2.22

इत्यानन्दभट्टप्रोक्ते शरणदत्तीये वल्लालचरिवे यज्ञोत्सवो नाम एकविंशो ऽध्यायः ।
अथ द्वाविंशो ऽध्यायः
ज्ञातयश्च कुटुम्बाश्च मिलिताश्च ततो ऽन्यदा ।
भोज्यशालां प्रविविशूराणका राजपुत्रकाः

आसनेषूपविष्टेषु ततस्तेषु महात्मसु ।
भुज्यमानेषु सर्वेषु वल्लालेन मुदा सह

सत्शूद्राणां गणास्तत्रापरा भोजनशालिकाः ।
स्पर्द्धया विविशुर्भोक्तुं विशां न दृश्यते स्थली

तस्मिन्नवसरे वैश्या मन्त्रयन्तः परस्परम् ।
उत्तस्थु र्निर्य्यातुकामास्तदानीं राजसद्मनः

यदा केचिद्वहिर्याताः केचिद्वा गमनोद्यताः ।
तदा ताननुगत्याह भीमसेनो विनीतवत्

अनाहाराः किमर्थं भो निर्गच्छथ महाजनाः ।
अस्मासु वो यदाकूतं सर्व्वथार्हथ भाषितुम्

तच्छ्रुत्वा वणिजः प्राहुः श्रूयतां भो महाशय ।
स्पृष्टास्पृष्टिः समभवत् तदर्थं भोक्तुमक्षमाः

अनाहत्य यतस्तेषां भीमसेनो ऽतिकोपनः ।
शूद्राणामीदृशी स्पर्द्धा इत्युक्त्वा तानवाक्षिपत्

[[106]]
ततो वादातिवादाश्च बभूवुः कुपितस्तदा ।
भीमसेनो ऽब्रवीद्वाक्यं परुषं राजवल्लभः

ततस्ते वणिजः सर्व्वे निर्ययूराजसद्मनः ।
आक्रोशन्तो विक्रोशन्तो वर्षान्ते वारिदा इव