વલ્લાલચરિત · અધ્યાય 2.22

ઇત્યાનન્દભટ્ટપ્રોક્તે શરણદત્તીયે વલ્લાલચરિવે યજ્ઞોત્સવો નામ એકવિંશો ઽધ્યાયઃ ।
અથ દ્વાવિંશો ઽધ્યાયઃ
જ્ઞાતયશ્ચ કુટુમ્બાશ્ચ મિલિતાશ્ચ તતો ઽન્યદા ।
ભોજ્યશાલાં પ્રવિવિશૂરાણકા રાજપુત્રકાઃ

આસનેષૂપવિષ્ટેષુ તતસ્તેષુ મહાત્મસુ ।
ભુજ્યમાનેષુ સર્વેષુ વલ્લાલેન મુદા સહ

સત્શૂદ્રાણાં ગણાસ્તત્રાપરા ભોજનશાલિકાઃ ।
સ્પર્દ્ધયા વિવિશુર્ભોક્તું વિશાં ન દૃશ્યતે સ્થલી

તસ્મિન્નવસરે વૈશ્યા મન્ત્રયન્તઃ પરસ્પરમ્ ।
ઉત્તસ્થુ ર્નિર્ય્યાતુકામાસ્તદાનીં રાજસદ્મનઃ

યદા કેચિદ્વહિર્યાતાઃ કેચિદ્વા ગમનોદ્યતાઃ ।
તદા તાનનુગત્યાહ ભીમસેનો વિનીતવત્

અનાહારાઃ કિમર્થં ભો નિર્ગચ્છથ મહાજનાઃ ।
અસ્માસુ વો યદાકૂતં સર્વ્વથાર્હથ ભાષિતુમ્

તચ્છ્રુત્વા વણિજઃ પ્રાહુઃ શ્રૂયતાં ભો મહાશય ।
સ્પૃષ્ટાસ્પૃષ્ટિઃ સમભવત્ તદર્થં ભોક્તુમક્ષમાઃ

અનાહત્ય યતસ્તેષાં ભીમસેનો ઽતિકોપનઃ ।
શૂદ્રાણામીદૃશી સ્પર્દ્ધા ઇત્યુક્ત્વા તાનવાક્ષિપત્

[[106]]
તતો વાદાતિવાદાશ્ચ બભૂવુઃ કુપિતસ્તદા ।
ભીમસેનો ઽબ્રવીદ્વાક્યં પરુષં રાજવલ્લભઃ

તતસ્તે વણિજઃ સર્વ્વે નિર્યયૂરાજસદ્મનઃ ।
આક્રોશન્તો વિક્રોશન્તો વર્ષાન્તે વારિદા ઇવ