वैशेषिकसूत्र · अध्याय 10

आत्मसमवायः सुखदुःखयोः पञ्चभ्यो ऽर्थान्तरत्वे हेतुस् तदाश्रयिभ्यश् च गुणेभ्यः

इष्टानिष्टकारणविशेषाद् विरोधाच् च मिथः सुखदुःखयोर् अर्थान्तरभावः

संशयनिर्णययोर् अर्थान्तरभावश् च ज्ञानान्तरत्वे हेतुः

तयोर् निष्पत्तिः प्रत्यक्षलैङ्गिकाभ्यां ज्ञानान्तरत्वे हेतुः

भूतम् इति प्रत्यक्षं व्याख्यातम्

भविष्यतीति कार्यान्तरे दृष्टत्वात्

तथा भवतीति सापेक्षेभ्यो ऽनपेक्षेभ्यश् च

अभूद् इत्य् अभूतात्

सति च कार्यासमवायात्

एकार्थसमवायिषु कारणान्तरेषु दर्शनाद् एकदेश इत्य् एकस्मिन्

शिरः पृष्ठम् उदरं पाणिर् इति तद्विशेषेभ्यः

कारणम् इति द्रव्ये कार्यसमवायात्

संयोगात् वा

कारणसमवायात् कर्मणि

तथा रूपे कारणकारणसमवायाच् च

कारणसमवायात् संयोगे

तथा कारणाकारणसमवायाच् च

संयुक्तसमवायाद् अग्नेर् वैशेषिकम्

लैङ्गिकं प्रमाणं व्याख्यातम्

दृष्टानां दृष्टप्रयोजनानां दृष्टाभावे प्रयोगो ऽभ्युदयाय (स् ओमित्स् दृष्टप्रयोजनानां)

तद्वचनाद् आम्नायप्रामाण्यम् इति (उ,स् आम्नायस्य प्रामाण्यम्)