ऋग्वेद · अध्याय 9.039

आशुर् अर्ष बृहन्मते परि प्रियेण धाम्ना ।
यत्र देवा इति ब्रवन् ॥

परिष्कृण्वन्न् अनिष्कृतं जनाय यातयन्न् इषः ।
वृष्टिं दिवः परि स्रव ॥

सुत एति पवित्र आ त्विषिं दधान ओजसा ।
विचक्षाणो विरोचयन् ॥

अयं स यो दिवस् परि रघुयामा पवित्र आ ।
सिन्धोर् ऊर्मा व्य् अक्षरत् ॥

आविवासन् परावतो अथो अर्वावतः सुतः ।
इन्द्राय सिच्यते मधु ॥

समीचीना अनूषत हरिं हिन्वन्त्य् अद्रिभिः ।
योनाव् ऋतस्य सीदत ॥