ઋગ્વેદ · અધ્યાય 9.039

આશુર્ અર્ષ બૃહન્મતે પરિ પ્રિયેણ ધામ્ના ।
યત્ર દેવા ઇતિ બ્રવન્ ॥

પરિષ્કૃણ્વન્ન્ અનિષ્કૃતં જનાય યાતયન્ન્ ઇષઃ ।
વૃષ્ટિં દિવઃ પરિ સ્રવ ॥

સુત એતિ પવિત્ર આ ત્વિષિં દધાન ઓજસા ।
વિચક્ષાણો વિરોચયન્ ॥

અયં સ યો દિવસ્ પરિ રઘુયામા પવિત્ર આ ।
સિન્ધોર્ ઊર્મા વ્ય્ અક્ષરત્ ॥

આવિવાસન્ પરાવતો અથો અર્વાવતઃ સુતઃ ।
ઇન્દ્રાય સિચ્યતે મધુ ॥

સમીચીના અનૂષત હરિં હિન્વન્ત્ય્ અદ્રિભિઃ ।
યોનાવ્ ઋતસ્ય સીદત ॥