ऋग्वेद · अध्याय 9.037

स सुतः पीतये वृषा सोमः पवित्रे अर्षति ।
विघ्नन् रक्षांसि देवयुः ॥

स पवित्रे विचक्षणो हरिर् अर्षति धर्णसिः ।
अभि योनिं कनिक्रदत् ॥

स वाजी रोचना दिवः पवमानो वि धावति ।
रक्षोहा वारम् अव्ययम् ॥

स त्रितस्याधि सानवि पवमानो अरोचयत् ।
जामिभिः सूर्यं सह ॥

स वृत्रहा वृषा सुतो वरिवोविद् अदाभ्यः ।
सोमो वाजम् इवासरत् ॥

स देवः कविनेषितो3 ऽभि द्रोणानि धावति ।
इन्दुर् इन्द्राय मंहना ॥