ઋગ્વેદ · અધ્યાય 9.037

સ સુતઃ પીતયે વૃષા સોમઃ પવિત્રે અર્ષતિ ।
વિઘ્નન્ રક્ષાંસિ દેવયુઃ ॥

સ પવિત્રે વિચક્ષણો હરિર્ અર્ષતિ ધર્ણસિઃ ।
અભિ યોનિં કનિક્રદત્ ॥

સ વાજી રોચના દિવઃ પવમાનો વિ ધાવતિ ।
રક્ષોહા વારમ્ અવ્યયમ્ ॥

સ ત્રિતસ્યાધિ સાનવિ પવમાનો અરોચયત્ ।
જામિભિઃ સૂર્યં સહ ॥

સ વૃત્રહા વૃષા સુતો વરિવોવિદ્ અદાભ્યઃ ।
સોમો વાજમ્ ઇવાસરત્ ॥

સ દેવઃ કવિનેષિતો3 ઽભિ દ્રોણાનિ ધાવતિ ।
ઇન્દુર્ ઇન્દ્રાય મંહના ॥