ऋग्वेद · अध्याय 9.035

आ नः पवस्व धारया पवमान रयिम् पृथुम् ।
यया ज्योतिर् विदासि नः ॥

इन्दो समुद्रमीङ्खय पवस्व विश्वमेजय ।
रायो धर्ता न ओजसा ॥

त्वया वीरेण वीरवो ऽभि ष्याम पृतन्यतः ।
क्षरा णो अभि वार्यम् ॥

प्र वाजम् इन्दुर् इष्यति सिषासन् वाजसा ऋषिः ।
व्रता विदान आयुधा ॥

तं गीर्भिर् वाचमीङ्खयम् पुनानं वासयामसि ।
सोमं जनस्य गोपतिम् ॥

विश्वो यस्य व्रते जनो दाधार धर्मणस् पतेः ।
पुनानस्य प्रभूवसोः ॥