ઋગ્વેદ · અધ્યાય 9.035

આ નઃ પવસ્વ ધારયા પવમાન રયિમ્ પૃથુમ્ ।
યયા જ્યોતિર્ વિદાસિ નઃ ॥

ઇન્દો સમુદ્રમીઙ્ખય પવસ્વ વિશ્વમેજય ।
રાયો ધર્તા ન ઓજસા ॥

ત્વયા વીરેણ વીરવો ઽભિ ષ્યામ પૃતન્યતઃ ।
ક્ષરા ણો અભિ વાર્યમ્ ॥

પ્ર વાજમ્ ઇન્દુર્ ઇષ્યતિ સિષાસન્ વાજસા ઋષિઃ ।
વ્રતા વિદાન આયુધા ॥

તં ગીર્ભિર્ વાચમીઙ્ખયમ્ પુનાનં વાસયામસિ ।
સોમં જનસ્ય ગોપતિમ્ ॥

વિશ્વો યસ્ય વ્રતે જનો દાધાર ધર્મણસ્ પતેઃ ।
પુનાનસ્ય પ્રભૂવસોઃ ॥