ऋग्वेद · अध्याय 4.049

इदं वाम् आस्ये हविः प्रियम् इन्द्राबृहस्पती ।
उक्थम् मदश् च शस्यते ॥

अयं वाम् परि षिच्यते सोम इन्द्राबृहस्पती ।
चारुर् मदाय पीतये ॥

आ न इन्द्राबृहस्पती गृहम् इन्द्रश् च गच्छतम् ।
सोमपा सोमपीतये ॥

अस्मे इन्द्राबृहस्पती रयिं धत्तं शतग्विनम् ।
अश्वावन्तं सहस्रिणम् ॥

इन्द्राबृहस्पती वयं सुते गीर्भिर् हवामहे ।
अस्य सोमस्य पीतये ॥

सोमम् इन्द्राबृहस्पती पिबतं दाशुषो गृहे ।
मादयेथां तदोकसा ॥