ઋગ્વેદ · અધ્યાય 4.049

ઇદં વામ્ આસ્યે હવિઃ પ્રિયમ્ ઇન્દ્રાબૃહસ્પતી ।
ઉક્થમ્ મદશ્ ચ શસ્યતે ॥

અયં વામ્ પરિ ષિચ્યતે સોમ ઇન્દ્રાબૃહસ્પતી ।
ચારુર્ મદાય પીતયે ॥

આ ન ઇન્દ્રાબૃહસ્પતી ગૃહમ્ ઇન્દ્રશ્ ચ ગચ્છતમ્ ।
સોમપા સોમપીતયે ॥

અસ્મે ઇન્દ્રાબૃહસ્પતી રયિં ધત્તં શતગ્વિનમ્ ।
અશ્વાવન્તં સહસ્રિણમ્ ॥

ઇન્દ્રાબૃહસ્પતી વયં સુતે ગીર્ભિર્ હવામહે ।
અસ્ય સોમસ્ય પીતયે ॥

સોમમ્ ઇન્દ્રાબૃહસ્પતી પિબતં દાશુષો ગૃહે ।
માદયેથાં તદોકસા ॥