ऋग्वेद · अध्याय 10.173

आ त्वाहार्षम् अन्तर् एधि ध्रुवस् तिष्ठाविचाचलिः ।
विशस् त्वा सर्वा वाञ्छन्तु मा त्वद् राष्ट्रम् अधि भ्रशत् ॥

इहैवैधि माप च्योष्ठाः पर्वत इवाविचाचलिः ।
इन्द्र इवेह ध्रुवस् तिष्ठेह राष्ट्रम् उ धारय ॥

इमम् इन्द्रो अदीधरद् ध्रुवं ध्रुवेण हविषा ।
तस्मै सोमो अधि ब्रवत् तस्मा उ ब्रह्मणस् पतिः ॥

ध्रुवा द्यौर् ध्रुवा पृथिवी ध्रुवासः पर्वता इमे ।
ध्रुवं विश्वम् इदं जगद् ध्रुवो राजा विशाम् अयम् ॥

ध्रुवं ते राजा वरुणो ध्रुवं देवो बृहस्पतिः ।
ध्रुवं त इन्द्रश् चाग्निश् च राष्ट्रं धारयतां ध्रुवम् ॥

ध्रुवं ध्रुवेण हविषाभि सोमम् मृशामसि ।
अथो त इन्द्रः केवलीर् विशो बलिहृतस् करत् ॥