ऋग्वेद · अध्याय 10.019

नि वर्तध्वम् मानु गातास्मान् सिषक्त रेवतीः ।
अग्नीषोमा पुनर्वसू अस्मे धारयतं रयिम् ॥

पुनर् एना नि वर्तय पुनर् एना न्य् आ कुरु ।
इन्द्र एणा नि यच्छत्व् अग्निर् एना उपाजतु ॥

पुनर् एता नि वर्तन्ताम् अस्मिन् पुष्यन्तु गोपतौ ।
इहैवाग्ने नि धारयेह तिष्ठतु या रयिः ॥

यन् नियानं न्ययनं संज्ञानं यत् परायणम् ।
आवर्तनं निवर्तनं यो गोपा अपि तं हुवे ॥

य उदानड् व्ययनं य उदानट् परायणम् ।
आवर्तनं निवर्तनम् अपि गोपा नि वर्तताम् ॥

आ निवर्त नि वर्तय पुनर् न इन्द्र गा देहि ।
जीवाभिर् भुनजामहै ॥

परि वो विश्वतो दध ऊर्जा घृतेन पयसा ।
ये देवाः के च यज्ञियास् ते रय्या सं सृजन्तु नः ॥

आ निवर्तन वर्तय नि निवर्तन वर्तय ।
भूम्याश् चतस्रः प्रदिशस् ताभ्य एना नि वर्तय ॥