ઋગ્વેદ · અધ્યાય 10.019

નિ વર્તધ્વમ્ માનુ ગાતાસ્માન્ સિષક્ત રેવતીઃ ।
અગ્નીષોમા પુનર્વસૂ અસ્મે ધારયતં રયિમ્ ॥

પુનર્ એના નિ વર્તય પુનર્ એના ન્ય્ આ કુરુ ।
ઇન્દ્ર એણા નિ યચ્છત્વ્ અગ્નિર્ એના ઉપાજતુ ॥

પુનર્ એતા નિ વર્તન્તામ્ અસ્મિન્ પુષ્યન્તુ ગોપતૌ ।
ઇહૈવાગ્ને નિ ધારયેહ તિષ્ઠતુ યા રયિઃ ॥

યન્ નિયાનં ન્યયનં સંજ્ઞાનં યત્ પરાયણમ્ ।
આવર્તનં નિવર્તનં યો ગોપા અપિ તં હુવે ॥

ય ઉદાનડ્ વ્યયનં ય ઉદાનટ્ પરાયણમ્ ।
આવર્તનં નિવર્તનમ્ અપિ ગોપા નિ વર્તતામ્ ॥

આ નિવર્ત નિ વર્તય પુનર્ ન ઇન્દ્ર ગા દેહિ ।
જીવાભિર્ ભુનજામહૈ ॥

પરિ વો વિશ્વતો દધ ઊર્જા ઘૃતેન પયસા ।
યે દેવાઃ કે ચ યજ્ઞિયાસ્ તે રય્યા સં સૃજન્તુ નઃ ॥

આ નિવર્તન વર્તય નિ નિવર્તન વર્તય ।
ભૂમ્યાશ્ ચતસ્રઃ પ્રદિશસ્ તાભ્ય એના નિ વર્તય ॥