रेवाखाण्ड (संशोधित पाठ) · अध्याय 128

॥ इति श्रीस्कान्दे महापुराण एकाशीतिसाहस्र्यां संहितायां पञ्चम आवन्त्यखण्डे रेवाखण्डे अग्नितीर्थमाहात्म्यवर्णनं नाम सप्तविंशत्युत्तरशततमो ऽध्यायः ॥
र्क्व् अध्याय 128
मार्कण्डेय उवाच:
ततो गच्छेत्तु राजेन्द्र भृकुटेश्वरम् उत्तमम् ।
यत्र सिद्धो महाभागो भृगुः परमकोपनः

तेन वर्षशतं साग्रं तपश्चीर्णं पुरानघ ।
पुत्रार्थं वरयामास पुत्रं पुत्रवतां वरः

वरो दत्तो महाभाग देवेनान्धकघातिना ।
तत्र तीर्थे तु यः स्नात्वा पूजयेत् परमेश्वरम्

अग्निष्टोमस्य यज्ञस्य फलमष्टगुणं लभेत् ।
भृकुटेशं तु यः कश्चिद् घृतेन मधुना सह

पुत्रार्थी स्नापयेद् भक्त्या स लभेत् पुत्रमीप्सितम् ।
तत्र तीर्थे तु यः स्नात्वा दद्याद् विप्राय काञ्चनम्

गोदानं वा महीं वापि तस्य पुण्यफलं शृणु

ससमुद्रगुहा तेन सशैलवनकानना ।
दत्ता पृथ्वी न सन्देहस् तेन सर्वा नृपोत्तम

तेन दानेन स स्वर्गे क्रीडयित्वा यथासुखम् ।
मर्त्ये भवति राजेन्द्रो ब्राह्मणो वा सुपूजितः