રેવાખાણ્ડ (સંશોધિત પાઠ) · અધ્યાય 128

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે અગ્નિતીર્થમાહાત્મ્યવર્ણનં નામ સપ્તવિંશત્યુત્તરશતતમો ઽધ્યાયઃ ॥
ર્ક્વ્ અધ્યાય 128
માર્કણ્ડેય ઉવાચ:
તતો ગચ્છેત્તુ રાજેન્દ્ર ભૃકુટેશ્વરમ્ ઉત્તમમ્ ।
યત્ર સિદ્ધો મહાભાગો ભૃગુઃ પરમકોપનઃ

તેન વર્ષશતં સાગ્રં તપશ્ચીર્ણં પુરાનઘ ।
પુત્રાર્થં વરયામાસ પુત્રં પુત્રવતાં વરઃ

વરો દત્તો મહાભાગ દેવેનાન્ધકઘાતિના ।
તત્ર તીર્થે તુ યઃ સ્નાત્વા પૂજયેત્ પરમેશ્વરમ્

અગ્નિષ્ટોમસ્ય યજ્ઞસ્ય ફલમષ્ટગુણં લભેત્ ।
ભૃકુટેશં તુ યઃ કશ્ચિદ્ ઘૃતેન મધુના સહ

પુત્રાર્થી સ્નાપયેદ્ ભક્ત્યા સ લભેત્ પુત્રમીપ્સિતમ્ ।
તત્ર તીર્થે તુ યઃ સ્નાત્વા દદ્યાદ્ વિપ્રાય કાઞ્ચનમ્

ગોદાનં વા મહીં વાપિ તસ્ય પુણ્યફલં શૃણુ

સસમુદ્રગુહા તેન સશૈલવનકાનના ।
દત્તા પૃથ્વી ન સન્દેહસ્ તેન સર્વા નૃપોત્તમ

તેન દાનેન સ સ્વર્ગે ક્રીડયિત્વા યથાસુખમ્ ।
મર્ત્યે ભવતિ રાજેન્દ્રો બ્રાહ્મણો વા સુપૂજિતઃ