ग्रंथ पाठ

पैप्पलाद-संहिता · अध्याय 1.90

1.90.1

असितस्य विद्रधस्य
लोहितस्य वनस्पते ।
विसल्पकस्यौषधे
मोच् छिषः पिशितं चन ॥

1.90.2

यत् ते बलास तिष्ठतः
कक्षे मुष्काव् अपाकृतम् ।
वेदाहं तस्य भेषजं
चीपद्राम् अभिचक्षणम् ॥

1.90.3

निर् बलासं बलासिनो
विसल्पम् उत विद्रधम् ।
परोपहत्यां ते वयं
परा यक्ष्मं सुवामसि ॥

1.90.4

शीर्षरोगम् अङ्गरोगं
शुक्तिवल्गं विलोहितम् ।
परा ते अज्ञातं यक्ष्मम्
अधराञ्चं सुवामसि ॥

मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0