Scripture Library

Paippalāda-Saṃhitā · Chapter 1.90

1.90.1

asitasya vidradhasya
lohitasya vanaspate |
visalpakasyauṣadhe
moc chiṣaḥ piśitaṃ cana ||

1.90.2

yat te balāsa tiṣṭhataḥ
kakṣe muṣkāv apākṛtam |
vedāhaṃ tasya bheṣajaṃ
cīpadrām abhicakṣaṇam ||

1.90.3

nir balāsaṃ balāsino
visalpam uta vidradham |
paropahatyāṃ te vayaṃ
parā yakṣmaṃ suvāmasi ||

1.90.4

śīrṣarogam aṅgarogaṃ
śuktivalgaṃ vilohitam |
parā te ajñātaṃ yakṣmam
adharāñcaṃ suvāmasi ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0