मञ्जुश्रीनामसंगीति (अन्य संस्करण) · श्लोक 161-167

अभवोद्भव नमस् ते ःस्तु नमस् ते बुद्धसंभव
गगनोद्भव नमस् तुभ्यं नमस् ते ज्ञानसंभव ॥

मायाजाल नमस् तुभ्यं नमस् ते बुद्धनाटक
नमस् ते सर्व सर्वेभ्यो ज्ञानकाय नमो ऽस्तु ते ॥

अथ वज्रधरः श्रीमां हृष्टतुष्टः कृताञ्जलिः
प्रणम्य नाथं संबुद्धं भगवन्तं तथागतं ॥

अन्यैश् च बहुविधैर् नाथैर् गुह्येन्द्रैर् वज्रपाणिभिः
स सार्धं क्रोधराजानैः प्रोवाचोच्चैर् इदं वचः ॥

अनुमोदामहे नाथ साधु साधु सुभाषितं
कृतो ऽस्माकं महान् अर्थः सम्यक्संबोधिप्रापकः ॥

जगतश् चाप्य् अनाथस्य विमुक्तिफलकांक्षिणः
श्रेयोमार्गो विशुद्धो ऽयं मायाजालनयोदितः ॥

गम्भीरोदारवैपुल्यो महार्थो जगदर्थकृत्
बुद्धानां विषयो ह्य् एष सम्यक्संबुद्धदेशितः ॥