મઞ્જુશ્રીનામસંગીતિ (અન્ય આવૃત્તિ) · શ્લોક 161-167

અભવોદ્ભવ નમસ્ તે ઃસ્તુ નમસ્ તે બુદ્ધસંભવ
ગગનોદ્ભવ નમસ્ તુભ્યં નમસ્ તે જ્ઞાનસંભવ ॥

માયાજાલ નમસ્ તુભ્યં નમસ્ તે બુદ્ધનાટક
નમસ્ તે સર્વ સર્વેભ્યો જ્ઞાનકાય નમો ઽસ્તુ તે ॥

અથ વજ્રધરઃ શ્રીમાં હૃષ્ટતુષ્ટઃ કૃતાઞ્જલિઃ
પ્રણમ્ય નાથં સંબુદ્ધં ભગવન્તં તથાગતં ॥

અન્યૈશ્ ચ બહુવિધૈર્ નાથૈર્ ગુહ્યેન્દ્રૈર્ વજ્રપાણિભિઃ
સ સાર્ધં ક્રોધરાજાનૈઃ પ્રોવાચોચ્ચૈર્ ઇદં વચઃ ॥

અનુમોદામહે નાથ સાધુ સાધુ સુભાષિતં
કૃતો ઽસ્માકં મહાન્ અર્થઃ સમ્યક્સંબોધિપ્રાપકઃ ॥

જગતશ્ ચાપ્ય્ અનાથસ્ય વિમુક્તિફલકાંક્ષિણઃ
શ્રેયોમાર્ગો વિશુદ્ધો ઽયં માયાજાલનયોદિતઃ ॥

ગમ્ભીરોદારવૈપુલ્યો મહાર્થો જગદર્થકૃત્
બુદ્ધાનાં વિષયો હ્ય્ એષ સમ્યક્સંબુદ્ધદેશિતઃ ॥