महापरिनिर्वाणसूत्र · अध्याय 15

तत्र भगवान् आयुष्मन्तम् आनन्दम् आमन्त्रयते ॥

आगमयानन्द येन वैशाली ॥

एवं भदन्तेत्य् आयुष्मान् आनन्दो भगवतः प्रत्यश्रौषीत् ॥

अथ भगवान् वृजिषु जनपदेषु चर्यां चरन् वैशालीम् अनुप्राप्तो वैशाल्यां विहरति मर्कटह्रद्(अतीरे कू)टागारशालायाम् ॥

अथ भगवान् प्(ऊ)र्वाह्णे निवस्य पात्रचीवरम् आदाय वैशालीं पिण्डाय प्राविशद् आयुष्मतानन्देन पश्चाच्छ्रमणेन ॥

अ(थ भगवान्) वैशालीं पिण्डाय चरित्वा कृतभक्तकृत्यः पश्चाद्भक्तपिण्डपातःप्रतिक्रान्तः ॥

(पात्रचीवरं प्रतिशमय्य) येन चापालं चैत्यं तेनोपजगाम ॥ उपेत्यान्यतरं वृक्षमू(लं निश्रित्य निष)ण्णो दि(वा)विहाराय ॥

तत्र भगवान् आयुष्मन्तम् आनन्दम् आमन्त्रयते ॥

रमणीयानन्द वैशाली वृजिभूमिश् चापालं चैत्यं सप्ताम्रकं बहुपत्त्रकं ग्(औतमन्य)ग्रोधः शालवनं धुरानिक्षेपणं मल्लानां मकुटबन्धनं चैत्यम् ॥ चित्रो जंबुद्वीपो मधुरं जीवितं मनुष्याणाम् ॥

यस्य कस्यचिच् चत्वार ऋद्धिपादा आसेविता भाविता बहुलीकृता आकांक्षमाणः स कल्पं वा तिष्ठेत् कल्पावशेषं वा ॥ तथागतस्यानन्द चत्वार ऋद्धिपादा आसेविता भाविता बहुलीकृताः ॥ आकांक्षमाणस् तथागतः कल्पं वा तिष्ठेत् कल्पावशेषं वा ॥

एवम् उक्त आयुष्मान् आनन्दस् तूष्णीम् अभूत् ॥ द्विर् अपि त्रिर् अपि भगवान् आयुष्मन्तम् आनन्दम् आमन्त्रयते ॥

रमणीयानन्द वैशाली वृजिभूमिश् चापालं चै(त्)यं सप्ताम्रकं बहुपत्त्रकं गौतमन्यग्रोधः शालवनं धुरानिक्षेपणं मल्ला(नां मकुटबन्धनं चैत्यम् ॥ चित्रो जंबुद्वीपो मधुरं जीवितं मनुष्याणाम् ॥)

(यस्य कस्यचिच् चत्वार ऋद्धिपादा आसेविता भाविता बहुलीकृता आकांक्षमाणः स कल्पं वा तिष्ठेत् कल्पावशेषं वा ॥ तथागतस्यानन्द च)त्वार ऋद्धिपादा आसेविता भाविता बहुलीकृताः ॥ आकांक्षमाणस् तथागतः कल्(पं वा तिष्ठेत् कल्पावशेषं वा ॥)

(द्विर् अपि त्रिर् अप्य् आयुष्मान् आनन्दस् तूष्णीम् ॥)

(अथ भगवत एतद् अ)भवत् ॥ स्फ्(उ)टो बतायम् आनन्दो भिक्षुर् मारेण पापीयसा यत्रेदानीं यावत् त्रिर् अप्य् औ(दारिके अवभासनिमित्ते प्राविष्क्रियमाणे न शक्नोति तन्निमित्तम् आज्ञातुं यथापि ततः स्फु)टो म्(आ)रेण पापीयसा ॥

इति विदित्वायुष्मन्तम् आनन्दम् आमन्त्रयते ॥

गच्छा(नन्दान्यतरवृक्षमूलं निश्रित्य विहर मा उभाव् अप्य् आकीर्ण)विहारिणौ भविष्यावः ॥

एवं भदन्तेत्य् आयुष्मान् आनन्दो भगवतः प्रतिश्रु(त्यान्यतमवृक्षमूलं निश्रित्य निषण्णो दिवाविहाराय ॥)