મહાપરિનિર્વાણસૂત્ર · અધ્યાય 15

તત્ર ભગવાન્ આયુષ્મન્તમ્ આનન્દમ્ આમન્ત્રયતે ॥

આગમયાનન્દ યેન વૈશાલી ॥

એવં ભદન્તેત્ય્ આયુષ્માન્ આનન્દો ભગવતઃ પ્રત્યશ્રૌષીત્ ॥

અથ ભગવાન્ વૃજિષુ જનપદેષુ ચર્યાં ચરન્ વૈશાલીમ્ અનુપ્રાપ્તો વૈશાલ્યાં વિહરતિ મર્કટહ્રદ્(અતીરે કૂ)ટાગારશાલાયામ્ ॥

અથ ભગવાન્ પ્(ઊ)ર્વાહ્ણે નિવસ્ય પાત્રચીવરમ્ આદાય વૈશાલીં પિણ્ડાય પ્રાવિશદ્ આયુષ્મતાનન્દેન પશ્ચાચ્છ્રમણેન ॥

અ(થ ભગવાન્) વૈશાલીં પિણ્ડાય ચરિત્વા કૃતભક્તકૃત્યઃ પશ્ચાદ્ભક્તપિણ્ડપાતઃપ્રતિક્રાન્તઃ ॥

(પાત્રચીવરં પ્રતિશમય્ય) યેન ચાપાલં ચૈત્યં તેનોપજગામ ॥ ઉપેત્યાન્યતરં વૃક્ષમૂ(લં નિશ્રિત્ય નિષ)ણ્ણો દિ(વા)વિહારાય ॥

તત્ર ભગવાન્ આયુષ્મન્તમ્ આનન્દમ્ આમન્ત્રયતે ॥

રમણીયાનન્દ વૈશાલી વૃજિભૂમિશ્ ચાપાલં ચૈત્યં સપ્તામ્રકં બહુપત્ત્રકં ગ્(ઔતમન્ય)ગ્રોધઃ શાલવનં ધુરાનિક્ષેપણં મલ્લાનાં મકુટબન્ધનં ચૈત્યમ્ ॥ ચિત્રો જંબુદ્વીપો મધુરં જીવિતં મનુષ્યાણામ્ ॥

યસ્ય કસ્યચિચ્ ચત્વાર ઋદ્ધિપાદા આસેવિતા ભાવિતા બહુલીકૃતા આકાંક્ષમાણઃ સ કલ્પં વા તિષ્ઠેત્ કલ્પાવશેષં વા ॥ તથાગતસ્યાનન્દ ચત્વાર ઋદ્ધિપાદા આસેવિતા ભાવિતા બહુલીકૃતાઃ ॥ આકાંક્ષમાણસ્ તથાગતઃ કલ્પં વા તિષ્ઠેત્ કલ્પાવશેષં વા ॥

એવમ્ ઉક્ત આયુષ્માન્ આનન્દસ્ તૂષ્ણીમ્ અભૂત્ ॥ દ્વિર્ અપિ ત્રિર્ અપિ ભગવાન્ આયુષ્મન્તમ્ આનન્દમ્ આમન્ત્રયતે ॥

રમણીયાનન્દ વૈશાલી વૃજિભૂમિશ્ ચાપાલં ચૈ(ત્)યં સપ્તામ્રકં બહુપત્ત્રકં ગૌતમન્યગ્રોધઃ શાલવનં ધુરાનિક્ષેપણં મલ્લા(નાં મકુટબન્ધનં ચૈત્યમ્ ॥ ચિત્રો જંબુદ્વીપો મધુરં જીવિતં મનુષ્યાણામ્ ॥)

(યસ્ય કસ્યચિચ્ ચત્વાર ઋદ્ધિપાદા આસેવિતા ભાવિતા બહુલીકૃતા આકાંક્ષમાણઃ સ કલ્પં વા તિષ્ઠેત્ કલ્પાવશેષં વા ॥ તથાગતસ્યાનન્દ ચ)ત્વાર ઋદ્ધિપાદા આસેવિતા ભાવિતા બહુલીકૃતાઃ ॥ આકાંક્ષમાણસ્ તથાગતઃ કલ્(પં વા તિષ્ઠેત્ કલ્પાવશેષં વા ॥)

(દ્વિર્ અપિ ત્રિર્ અપ્ય્ આયુષ્માન્ આનન્દસ્ તૂષ્ણીમ્ ॥)

(અથ ભગવત એતદ્ અ)ભવત્ ॥ સ્ફ્(ઉ)ટો બતાયમ્ આનન્દો ભિક્ષુર્ મારેણ પાપીયસા યત્રેદાનીં યાવત્ ત્રિર્ અપ્ય્ ઔ(દારિકે અવભાસનિમિત્તે પ્રાવિષ્ક્રિયમાણે ન શક્નોતિ તન્નિમિત્તમ્ આજ્ઞાતું યથાપિ તતઃ સ્ફુ)ટો મ્(આ)રેણ પાપીયસા ॥

ઇતિ વિદિત્વાયુષ્મન્તમ્ આનન્દમ્ આમન્ત્રયતે ॥

ગચ્છા(નન્દાન્યતરવૃક્ષમૂલં નિશ્રિત્ય વિહર મા ઉભાવ્ અપ્ય્ આકીર્ણ)વિહારિણૌ ભવિષ્યાવઃ ॥

એવં ભદન્તેત્ય્ આયુષ્માન્ આનન્દો ભગવતઃ પ્રતિશ્રુ(ત્યાન્યતમવૃક્ષમૂલં નિશ્રિત્ય નિષણ્ણો દિવાવિહારાય ॥)