आर्यभटीय (टीका सहित) · अध्याय 4

दशगीतिकसूत्रर्था व्याख्याता भास्करेण मन्दधियाम् ।
प्रतिपत्तये प्रकामम् सर्वः हि समानभूतये यतते ॥
इति भास्करस्य कृतौ
दशगीतिकासूत्रव्याख्या परिसमाप्ता ॥
गणितपादः
[मङ्गलाचरणम् ]
यन्नामसंस्मरणमात्रभवाभवानि
श्रेयः ऽशुभानि विबुधासुरमानवानाम् ।
तस्मै सकृष्णकमलोद्भवमौलिघृष्ट-
पादारविन्दयुगलाय नमः शिवाय

आचार्यार्यभटः तपोभिः अमलैः आराध्य पद्मोद्भवम्
यत् लेभे ग्रहचारसारविषयम् बीजम् महार्थम् स्फुटम् ।
तस्य अतीन्द्रियगोचरार्थनिपुणस्पष्टोरुसद्वस्तुनः
व्याख्यानम् गुरुपादलब्धम् अधुना किञ्चित् मया लिख्यते