આર્યભટીય (ટીકા સહિત) · અધ્યાય 4

દશગીતિકસૂત્રર્થા વ્યાખ્યાતા ભાસ્કરેણ મન્દધિયામ્ ।
પ્રતિપત્તયે પ્રકામમ્ સર્વઃ હિ સમાનભૂતયે યતતે ॥
ઇતિ ભાસ્કરસ્ય કૃતૌ
દશગીતિકાસૂત્રવ્યાખ્યા પરિસમાપ્તા ॥
ગણિતપાદઃ
[મઙ્ગલાચરણમ્ ]
યન્નામસંસ્મરણમાત્રભવાભવાનિ
શ્રેયઃ ઽશુભાનિ વિબુધાસુરમાનવાનામ્ ।
તસ્મૈ સકૃષ્ણકમલોદ્ભવમૌલિઘૃષ્ટ-
પાદારવિન્દયુગલાય નમઃ શિવાય

આચાર્યાર્યભટઃ તપોભિઃ અમલૈઃ આરાધ્ય પદ્મોદ્ભવમ્
યત્ લેભે ગ્રહચારસારવિષયમ્ બીજમ્ મહાર્થમ્ સ્ફુટમ્ ।
તસ્ય અતીન્દ્રિયગોચરાર્થનિપુણસ્પષ્ટોરુસદ્વસ્તુનઃ
વ્યાખ્યાનમ્ ગુરુપાદલબ્ધમ્ અધુના કિઞ્ચિત્ મયા લિખ્યતે