108 Buddhist stotras · अध्याय 65

निर्विकल्पे निरालम्बे निरवद्ये निरंजने ।
नित्यानित्ये निर्विकारे प्रज्ञे देवि नमो ऽस्तु ते ॥

बुद्धानां जननीशानि बोधिसत्त्वपितामहि ।
प्रपितामहि सत्त्वानां प्रज्ञे देवि नमो ऽस्तु ते ॥

मातर्मातर्जगन्मातरिति संजपतां नृणाम् ।
मनोरथप्रदे शुद्धे प्रज्ञे देवि नमो ऽस्तु ते ॥

लक्ष्मीस्त्वमसि कल्याणि श्रीर्धीः श्रद्धा धृतिः स्मृतिः ।
सर्वस्वरूपे सर्वेशि प्रज्ञे देवि नमो ऽस्तु ते ॥

लोकोत्तरे लौकिके च प्रज्ञापारमिते ऽमिते ।
दश पारमिताकारे प्रज्ञे देवि नमो ऽस्तु ते ॥