108 Buddhist stotras · અધ્યાય 65

નિર્વિકલ્પે નિરાલમ્બે નિરવદ્યે નિરંજને ।
નિત્યાનિત્યે નિર્વિકારે પ્રજ્ઞે દેવિ નમો ઽસ્તુ તે ॥

બુદ્ધાનાં જનનીશાનિ બોધિસત્ત્વપિતામહિ ।
પ્રપિતામહિ સત્ત્વાનાં પ્રજ્ઞે દેવિ નમો ઽસ્તુ તે ॥

માતર્માતર્જગન્માતરિતિ સંજપતાં નૃણામ્ ।
મનોરથપ્રદે શુદ્ધે પ્રજ્ઞે દેવિ નમો ઽસ્તુ તે ॥

લક્ષ્મીસ્ત્વમસિ કલ્યાણિ શ્રીર્ધીઃ શ્રદ્ધા ધૃતિઃ સ્મૃતિઃ ।
સર્વસ્વરૂપે સર્વેશિ પ્રજ્ઞે દેવિ નમો ઽસ્તુ તે ॥

લોકોત્તરે લૌકિકે ચ પ્રજ્ઞાપારમિતે ઽમિતે ।
દશ પારમિતાકારે પ્રજ્ઞે દેવિ નમો ઽસ્તુ તે ॥