યોગયાત્રા · અધ્યાય 14

પૃષ્ટવ્યો દૈવવિદા વિશ્રબ્ધમ્ ઉપહ્વરે નરાધિપતિઃ।
રિપુનિધનપ્રણિધાનં પ્રતિ ભવતઃ કિં મનઃ કુરુતે॥

બ્રૂયાત્ સ ચેન્ મમ મનઃ પ્રોત્સહતે હર્ષયેત્ તતશ્ ચૈવમ્।
ચિત્તાનુકૂલતા સિદ્ધિલક્ષણં તત્ર ચ શ્લોકાઃ॥

શુભાશુભાનિ સર્વાણિ નિમિત્તાનિ સ્યુર્ એકતઃ।
એકતશ્ ચ મનશ્શુદ્ધિસ્ તદ્ ધિ શુદ્ધં જયાવહમ્॥

કિયચ્ ચિરં ન લભ્યેત નિમિત્તં ગમનાનુગમ્।
ન ત્વ્ એવ તુ મનો ઽનર્થં ચિરેણાપ્ય્ અનુમન્યતે॥

નિમિત્તાનુચરં સૂક્ષ્મં દેહેન્દ્રિયમહત્તરમ્।
તેજો હ્ય્ એતચ્ છરીરસ્થં ત્રિકાલફલદં નૃણામ્॥

પ્રીયતે ન મનો ઽનર્થૈર્ નાસિદ્ધાવ્ અભિનન્દતિ।
તસ્માત્ સર્વાત્મના યાતુર્ અનુમેયં સદા મનઃ॥એ6