યોગયાત્રા · અધ્યાય 15

યાત્રાર્વાક્ સપ્તાહાદ્ ગુહ્યકસાહાયકં ત્ર્યહં પૂર્વમ્।
ત્ર્યહમ્ અથ વિજયસ્નાનં ગૃહયજ્ઞં સપ્તમે દિવસે॥

પક્વામમાંસદધિફલકુસુમાસવપાયસપ્રતિસરોભિઃ।
મૂલકભક્ષૈર્ ગન્ધૈર્ ગુગ્ગુલુમુખ્યૈસ્ તથા ધૂપૈઃ॥

સાંવત્સરસચિવપુરોહિતાપ્તપુરુષાયુધીયપરિચારઃ।
યાયાન્ નગરચતુષ્પથમ્ અભુક્તવસ્ત્રોત્તરીયાઙ્ગઃ॥

અર્ધનિશાયામ્ ઉદયતિ સૌમ્યે વક્રે ઽથવા તદંશે વા।
દદ્યાદ્ બલિં દશસ્વ્ અપ્ય્ આશાસુ પુરોહિતઃ ક્રમશઃ॥

આવર્તયેત્ પુરોધાઃ કૃતાઞ્જલિસ્ તત્ર રુદ્રસાવિત્રીમ્।
કૂષ્માણ્ડમહારૌહિણકુબેરહૃદયાન્ય્ અતઃ પ્રપઠેત્॥

દ્વારત્રિકચતુષ્કાદ્રિપુરનિષ્કુટવાસિનઃ।
મહાપથનદીતીરગુહાગાહ્વરવસિનઃ॥

વિશ્વરૂપા મહાસત્ત્વા મહાત્મનો મહાવ્રતાઃ।
પ્રથમાઃ પ્રતિગૃહ્નીધ્વમ્ ઉપહારં નમો ઽસ્તુ વઃ॥

સુપુત્રામાત્યભૃત્યો ઽયં સદારશ્ ચૈવ પાર્થિવઃ।
રક્ષ્ણીયો હિતે ચાસ્ય પ્રયતધ્વં સમાહિતાઃ॥

એવમ્ ઉક્ત્વા તતસ્ ત્વ્ અર્ઘ્યં પ્રમથેભ્યઃ પ્રદાપયેત્।
સાવિત્ર્યાઃ સ્થણ્ડિલે તસ્મિન્ સૂતસ્તૂપહરેદ્ બલિમ્॥

યમેન્દ્રવરુણાર્થેશવિષ્ણુપાવકશૂલિનામ્।
યક્ષરક્ષઃપિશાચાનામ્ અસુરાણાં તથાઇવ ચ॥

યે સ્યુર્ ભૂતગણાસ્ તેભ્યો નમો ઽસ્ત્વ્ ઇત્ય્ અનુયાન્તુ ચ।
સન્નદ્ધાઃ સ્વૈઃ પ્રહરણૈર્ અરિસેનાવધા ઇનાઃ॥

ચમૂસમેતા અનુયાન્તુ પૃષ્ઠતો વિચિત્રમાલ્યાભરના મદોત્કટાઃ।
વિચિત્રવસ્ત્રા જટિલાઃ કિરીટિનઃ કરાલલમ્બોદરકુબ્જવામનાઃ॥

નિવૃત્તયાત્રઃ પુનર્ અપ્ય્ અહં હિ વો વિજિત્ય શત્રૂન્ ભવતાં પ્રસાદતઃ।
અતો વિશિષ્ટં બહુવિત્તમ્ ઉત્તમં બલિં કરિષ્યે વિધિનોપપાદિતમ્॥

અનર્ચિતા યે નૃપતિં સવાહનં વિનાશયન્તિ ક્ષપયન્તિ વા ચમૂન્।
સુપૂજિતાઃ સિદ્ધિકરા ભવન્તિ તે પ્રવાધકાઃ શત્રુગણસ્ય ચાહવે॥

ક્ષણષષ્ઠિભાગમાત્રં પ્રયતો નૃપતિર્ વિસર્જયેત્ પ્રમથાન્।
દૈવજ્ઞપુરોધોભ્યામ્ આવેદિતમઙ્ગલો યાયાત્॥એ15