યોગયાત્રા · અધ્યાય 13

દક્ષિણપાર્શ્વસ્પન્દનમ્ અભિધાસ્યે તત્ફલક્ષયો વામે।
પૃથિવીલાભઃ શિરસિ સ્થાનવિવૃદ્ધિર્ લલાટે સ્યાત્।

ભ્રૂનાસિકાન્તરે પ્રિયસમાગમો ભૃત્યલબ્ધિર્ અક્ષિણોસ્ તુ।
દૃક્પર્યન્તે ઽર્થાપ્તિઃ પૂર્વે જ્ઞેયાત્ર ચોત્કણ્ઠા॥

યોષિત્સૌખ્યં ગણ્ડે દૃક્ચરમાધશ્ ચ સઙ્ગરે વિજયઃ।
શ્રવણે ચ હિતશ્રવણં નાસાયાં પ્રીતિસૌખ્યં ચ॥

અધરોત્તરૌષ્ઠયોઃ પ્રિયસમાગમવિજયૌ ગલે ચ ભોગાપ્તિઃ।
અંસે ભોગવિવૃદ્ધિર્ વાહાવિષ્ટેન સંયોગઃ॥

હસ્તે ઽર્થાપ્તિઃ પૃષ્ઠે પરાજયો વક્ષસિ સ્મૃતો વિજયઃ।
પ્રીત્યુત્પત્તિઃ પાર્શ્વે સ્તને ત્વ્ અપૂર્વા વિષયલબ્ધિઃ॥

કટ્યાં બલપ્રમોદઃ સ્થાનભ્રંશઃ પ્રકીર્તિતો નાભૌ।
હસ્તે કોશવિવૃદ્ધિઃ ક્લેશો હૃદયે ઽર્થપર્યન્તઃ॥

વાહનલાભઃ સ્ફિગ્યાયુર્વૃષણે યોષિદાગમઃ શિશ્ને।
મુષ્કે તનયોત્પત્તિર્ વસ્તાવ્ અન્તઃપુરાભ્યુદયઃ॥

પૃષ્ઠત ઊર્વોર્ દોષઃ પુરતશ્ ચલને તુ શચિવહિતલબ્ધિઃ।
પ્રચલતિ ચ જાનુસન્ધાવ્ અરિસન્ધાનં બલવદ્ ઉક્તમ્॥

દેશૈકદેશનાશો જંઘાયાં સ્થાનલબ્ધિરંધ્ર્ય્ ઉપરિ।
અધ્વાગમનમ્ અલાભં ચરણતલે સ્પન્દમાને તુ॥

વ્રણપિટકતિલકલાંછનમશકાદાયસ્ ત્વ્ એવ નિર્દિષ્ટાઃ (સ્યુઃ)।
કણ્ડૂયનં નરપતેર્ દક્ષિણપાણૌ જયાયૈતિ॥એ10