યોગવાસિષ્ઠ · અધ્યાય 4.50

શ્રીવસિષ્ઠ ઉવાચ ।
તમથાસૌ તથા બુદ્ધિફલપલ્લવશાલિનમ્ ।
આનન્દમન્થરમનાઃ ષુષ્પરૂપાચલોપમમ્

કદમ્બં રોદસીસ્તમ્ભમારુરોહ વનસ્થિતમ્ ।
એકાર્ણવગતં શૌરિર્વટવૃક્ષમિવોન્નતમ્

તત્રાસૌ વ્યોમલગ્નાયાઃ શાખાયાઃ પ્રાન્તપલ્લવે ।
વિવેશ વિગતાશઙ્કમેકાગ્રં તપ આસ્થિતઃ

અથોપવિશ્ય મૃદુનિ નવપલ્લવવિષ્ટરે ।
ક્ષણમાલોકિતાસ્તેન દિશઃ કૌતુકચઞ્ચલમ્

સરિદેકાવલીરમ્યાઃ શૈલેન્દ્રસ્તનકુડ્મલાઃ ।
નિર્મલાકાશકબરા લોલનીલામ્બુદાલકાઃ

નીલપલ્લવવસનાઃ પુષ્પપૂરાવતંસિકાઃ ।
ગૃહીતસાગરાપૂર્ણકલશાઃ પુરુભૂષણાઃ

ધૃતપ્રફુલ્લપદ્મિન્યઃ સુગન્ધિમુખમારુતાઃ ।
નીલઘુંઘુમકાકલ્યો નિર્ઝરારાવનૂપુરાઃ

દ્યુમૂર્ધાનો મહીપાદા વનાલીરોમરાજયઃ ।
જઙ્ગલોરુનિતમ્બિન્યશ્ચન્દ્રાર્કકૃતકુણ્ડલાઃ

શાલિસંસારકેદારાશ્ચન્દનસ્થાલિકાન્વિતાઃ ।
શિખરોરસિજાલગ્નહિમશુભ્રામ્બુદાંશુકાઃ

મહાર્ણવપયઃપૂરનવમણ્ડનદર્પણાઃ ।
ઋક્ષૌઘઘર્મપુલકા ભુવનાન્તઃપુરાન્તરાઃ

આર્તવસ્તનધારિણ્યો લગ્નસૂર્યાંશુકુઙ્કુમાઃ ।
વિચિત્રકુસુમોપેતાશ્ચન્દ્રાંશુસિતચન્દનાઃ

ગગનગતલતાદલોપવિષ્ટઃ
પ્રસૃતવનાવનિવારિવાહવેષાઃ ।
ત્રિભુવનવનિતા દદર્શ હૃષ્ટઃ
કુસુમનિરન્તરમણ્ડિતા દશાશાઃ

ઇત્યાર્ષે શ્રીવાસિષ્ઠમહારામાયણે વાલ્મીકીયે દે૦ મો૦ સ્થિતિપ્રકરણે દા૦ દાશૂરાદિગવલોકનં નામ પઞ્ચાશઃ સર્ગઃ