વૃત્તમાલાસ્તુતિ · શ્લોક 81-100

સ્વેદપૂરવિલસત્પુલકોચ્છ્વસિતૈસ્ ત્રુટત્ કઞ્ચુકં દધતિ નિર્ધુતમ્ અપ્ય્ અમરસ્ત્રિયઃ
કાન્તિકમ્રમ્ ઇવ તે સમિતાવ્ અતિશક્વરી બન્ધસારમ્ ઉરુકમ્પમ્ અનઙ્ગવિજૃમ્ભિતમ્ ॥

અનુપમરમણીયા ભઙ્ગિર્ અઙ્ગેષુ યસ્યા હરતિ રતિમ્ ઉદારાશેષરૂપાન્તરેષુ
જયતિ તનુર્ અખણ્ડાખણ્ડલેષ્વાસલક્ષ્મી વિજયપરમધામવ્યામરુગ્ માલિની યમ્ ॥

અવિકલતાલશાલિકલકાકલીકલ વ્યતિકરવલ્લકીવલિતચારુપઞ્ચમા
ભણતિ મુદા પ્રતીષ્ટજિનભાર ભારતી સ્વમહિમ કામિની તવ સભાસુ મદ્રકમ્ ॥

જયતિ નાથ જગજ્જયકુઞ્જરનિશ્ચલી કરણશૃઙ્ખલજાલનિભાઙ્ગદભૂષિતઃ
ભુજતરુસ્ તવ દુર્ગતિમાર્ગમહાર્ગલઃ પ્રમદમન્મથનિર્મથનઃ સુગતપ્રિયઃ ॥

ભવશિરસિ મહિતગુણમહિમભુવં વ્યપગતસકલમલશુચિમ્ અધિપતે
તવ વરવિજયસમુપચિતયશસઃ શ્રિયમ્ અનુહરતિ હિ શરદિ શશિકલા ॥

પટુપરિમલમિલિતમધુકરયુવ ભ્રમસહશિતિસુગતસમુચિતસુખા
વિલસતિ તવ શિરસિ રસલયવતી સ્રગ્ ઇયમ્ અમરપતિયુવતિવિરચિતા ॥

ન યતિપદમ્ અયસિ યદ્ અતિદયધિયઃ પ્રથયસિ જગતિ ચ પરહિતકૃતિનઃ
જનયતિ હિમચયરુચિર્ ઇતિ ભવતો વિયદ્ ઉપહતનિજ મણિ ગુણનિકરઃ ॥

અતિરતિકરકથ કથમ્ ઇવ સમિયાદ્ અવિરતનવનવનવ તવ પરમૈઃ
ગુણગણપરિમિતિમ્ ઉદધિષુ યતિભિઃ સુયતિભિર્ અગણિત ગુણ મણિનિકરઃ ॥

જયતિ તવ તનુર્ ઇયમ્ ઉરુતરકરુણ નિખિલજગદુચિતપરિભુગવનિર્ ઇવ
શિશુમતિકલિતસકલજનબહુવિધ વિમતિલડિતવિધિભિર્ અચલધ્ર્તિર્ ઇહ ॥

પ્રતિ જડધિયમ્ ઇ હ સમધિકગુરુદય મૃદુમતિર્ અપિ તવ શુભમયસમુદય
કરતલવિનિહિતકુવલય કલયતિ જિનકુલ કુવલયમ્ અવિષમભરમ્ ઇતિ ॥

વ્યોમવિકીર્ણકિર્તિમદપરિમલકલના ભઙ્ગુરતુઙ્ગવાદિમદકલકરિનિકરં
વિશ્વવનોદરે ઽત્ર રવયતિ જિતજલદં નાથ દધાસ્ય્ ઉદારમ્ ઋષભગજવિલસિતમ્ ॥

કસ્ ત્વયિ બદ્ધવર્મણિ જગદ્ધિતધાનધિયા નિર્વિહતપ્રતિજ્ઞ પરિતાપકણઃ ક્વ ચન
મારવધૂજનસ્ય કમનીયકપોલતલે યન્ નવ પત્ત્રભઙ્ગરચના લસ એવ કરઃ ॥

નિરુપમરમ્યરૂપ જિનજાતદૃશ્વનો ઽષ્ટૌ મદયતિ તે ઽધિકં વિધુતશોક લોકપાલાન્
સદુપધિપુણ્ડરીકનખરાજિરાજિતેયં વિરચિતપઞ્ચચીરરુચિરા કુમારલીલા ॥

ગુણાનામ્ અત્યષ્ટિઃ કથમ્ ઇહ મમેવાસ્તુ જગતામ્ ઇતિ ચ્છન્દઃ સ્વૈરં પરિણતિમ્ અવાપત્ તવ તથા
યથા ત્વય્ય્ એવાસ્મિન્ પરમ રસભેદપ્રણયની સમુદ્ભૂતા ભૂતિર્ નિખિલસુખશાખા શિખરિણી ॥

જયત્ય્ અમરમન્દિરોપલવિશાલરક્ષઃસ્થલઃ સ્થલીકમલકાનનપ્રતિમપાદકન્દપ્રભઃ
પ્રભાકરશતાધિકપ્રકટતેજસાલઙ્કૃતઃ કૃતાન્ત મદમર્દનસ્ ત્રિભવનાથ પૃથ્વી ધરઃ ॥

વિમોહબહલાન્ધકારપટલાવનદ્ધૈર્ મુધા રસાતલગુહાતિશાયિભવસંકટેષુ સ્થિતમ્
ત્વદઙ્ઘ્રિકમલાશ્રયોત્સવસુખં ન ચેદ્ આદૃતં ચિરસ્ય જિનવંશભાસ્કર કુમા ર મા રૈર્ જિતમ્ ॥

કલ્પશતોપપાદિતમહાફલમ્ ઇવ વિહિતં ચઞ્ચલમ્ એતદ્ આયુર્ અધિપ ત્વદવનતિપરૈઃ
ભૂષણભવ્યભાવગમિતં શ્રિતગુરુકરુણા દિગ્યતિવંશ પત્ત્રપતિતં કમ્ ઇવ જલરુહઃ ॥

તવ ગુણવિસ્તરપ્રણયપૂતવચોવિભવં વરદ સ એક એવ સુમુખો મુખમ્ આવહતિ
મધુમયસામધામ યજુષા સજુષાનુગતં શ્રવણસુધાભિમાનભવ નર્ક્કુટકં ચ વિધિઃ ॥

ત્રિભુવનસંમદપ્રદજિનવ્યવસાયમધૌ સ્ફુટસહકારતામહિતમ્ ઈહિતમ્ એતિ તવ
પ્રવચનમઞ્જરીસ્રુતશમામૃતપાનમુદા ભૃત યતિષટ્પદં કલકણત્કૃતિ કોકિલકમ્ ॥

ક્વ ચિદ્ અપિ ભવદ્ભીત્યા ભૂરિપ્રવાદિમદદ્વિપોદ્ દલન સુગતસ્વાન્તક્ષ્માભૃદ્ગભીરગુહાગૃહ
ત્રિભવનવનાધીશ ક્રીડા રસાર્ણવસંયતા દ્રવતિ હરિણી વારં મારપ્રચણ્ડમહાચમૂઃ ॥