વૃત્તમાલાસ્તુતિ · શ્લોક 41-60

રૂપરસાયનભાવનયા તે વાસવ એવ પરં બહુમાન્યઃ
યેન ચિરાય નિરસ્તનિમેષં લબ્ધમ્ અ દોધકમ્ અમ્બકજાતમ્ ॥

હક્ત્યાનતરત્નકિરીટચક્રૈર્ આબદ્ધકરાઞ્જલિભિઃ પ્રહૃષ્ટૈઃ
ધન્યૈઃ સુચિરં ચરણદ્વયી તે વીતાન્યવિધેયમ્ ઉપસ્થિતે યમ્ ॥

કિમ્ ઇન્દ્રવિભવૈર્ બ્રહ્મશ્રિયા વા તતો ઽપ્ય્ અતિશયિન્યા સંપદા કિમ્
પ્રસિધ્યતિ ધિયો ઽધીશ પ્રકામં ત્વદઙ્ઘ્રિકમલસ્ય્ ઓપસ્થિતં ચેત્ ॥

ત્વત્સંસેવાવિમુખં જન્મદુર્ગે કર્મક્લેશૌ વિવશં નાશમ્ અસ્મિન્
સંભૂયાલં નયતો ઽવશ્યમ્ ઉગ્રૌ વાતોર્મી પોતમ્ ઇવામ્ભોધિમધ્યે ॥

દૂરદર્શિમનસામ્ અનાગસાં કાપિ વિસ્ફુરતિ ચિત્તસંતતિઃ
નિર્વિરામતમમ્ આભવં ભવત્ પર્યુપાસનમનો રથોદ્ધતા ॥

છેદે હૃદ્યા વિભ્રમાણાં ચતુર્ણાં તૂર્ણપ્રાપ્તાવ્ આર્યસત્યામૃતાનામ્
પુણ્યાવસ્થા ત્વત્કટાક્ષેક્ષને ઽપિ પ્રૌઢપ્રજ્ઞા શાલિની કાપ્ય્ ઉદેતિ ॥

કીર્તિર્ અર્તિકર્ત્તરસ્ તવ સ્તવ સ્તોમસદ્મનો ઽતિસદ્મનોહૃતઃ
સાન્દ્રચન્દ્રચન્દ્રિકાર્દ્રચન્દન શ્યેન્ય્ અલઙ્કરોત્ય્ અલં દિશો દશ ॥

અભ્યુદ્ગતાનેકશિખાભિર્ ઉચ્ચૈસ્ ત્વત્સંશ્રયાદ્ દુસ્ત્યજસત્ત્વદૃષ્ટિઃ
પ્રધ્વસ્રમ્ અન્વઞ્ચતિ શૈલમૂર્તિસ્ તીવ્ર્ એન્દ્રવજ્રા હતિદારિતેવ ॥

વિરૂઢધર્માધિપભાવભવ્ય પ્રતુઙ્ગસિંહાસનસંનિષણ્ણમ્
ઉપાસતે કાન્તિશિવાઃ શિવાપત્ય્ ઉપેન્દ્રવજ્રા યુધવેધસસ્ ત્વામ્ ॥

અનન્તરોદ્ભાવિતલક્ષણાઢ્યૌ પાદૌ ભવેતામ્ અપિ ગોચરૌ તે
યાસાં દૃશઃ શ્રવ્યયતિપ્રપઞ્ચૌ ધન્યાઃ સુરાણામ્ ઉપજાતયસ્ તાઃ ॥

અસંશયં ત્વામ્ અપરેષુ સત્સ્વ્ અપિ પ્રકામસર્વાત્મગુણાનુહારિષુ
અનન્યસાધારણયા ધિયાધિપા ઉશન્તિ વંશસ્થમ્ અનઙ્ગજિષ્ણવઃ ॥

બાલાકૃતિં કાન્તવિચિત્રભૂષણં હેમાભમ્ અક્ષોભ્યસનાથશેખરમ્
વાગીશ્વરં વાગ્મતિમૂર્તિભિર્ નમે મૌન્ ઈન્દ્રવંશા ભરાનોદયશ્રિયમ્ ॥

અતિવિસ્તરૈર્ અપિ ગિરાં સુગિરો ગુણપારમ્ ઈયુર્ અધિનાથ ન તે
નિજમોદમાત્રજનનીતિ નુતિઃ પ્રમિતાક્ષરા પિ સુભગૈવ મમ ॥

દીપ્યમાનાખિલાલઙ્કૃતિશ્લાઘિની પુણ્યભાજાં મુખામ્ભોજલબ્ધોદયા
ભારતી ભારતીશ સ્વભાવોજ્જ્વલા ત્વામ્ ઉપૈતિ સ્વયં સદ્ગુણ સ્રગ્વિણી ॥

ભઙ્ગં નીતાસ્ તે પઞ્ચબાણસ્ય બાણાઃ શાન્તો દ્વેષાગ્નિર્ મોહજાડ્યં નિરસ્તમ્
નાથ ત્રૈલોક્યાનુગ્રહવ્યગ્રમૂર્તે સંપત્ સંપ્રાપ્તા વૈશ્વદેવી ત્વયૈવ ॥

સંપૂર્ણો ઽન્તર્ ગુણગણરત્નૈશ્ ચિત્રૈર્ અમ્ભોરાશેર્ યતિમ્ અતિધૈર્યાદ્ ધત્સે
સંક્લેશાગ્નિપ્રશમનસદ્ધર્મામ્ભો ધારાસારૈર્ જલધરમાલા લીલામ્ ॥

તવ પુરઃ પરમોત્તમ સંમતાઃ પ્રતિભયા વિકલાઃ પ્રતિવાદિનહ્
સુલભમૂકદશા બહુ મન્યન્તે દ્રુતવિલમ્બિતમ્ અપ્ય્ ઉદિતં વચઃ ॥

ત્રિતયમ્ અપિ પવિત્રયન્તી જગત્ તુહિનકરકરાવદાતદ્યુતિઃ
પ્રભવતિ ભવતશ્ ચ કીર્તિશ્ ચિરં સુરગિરિશિરસશ્ ચ મન્દાકિની ॥

હરતિ નિતાન્તમ્ ઇયં તવ કીર્તિઃ કૃતિહૃદયાનિ દયાનિજવાસ
પ્રસવચયેન ચિતેવ સમન્તાદ્ દિશિ દિશિ કુન્દલતા દલતાલમ્ ॥

દલયત્ય્ ઉપાત્તશોભાસમવાયો જગતામ્ અઘાનિ કો ઽપ્ય્ એષ કૃપાબ્ધિઃ
બહુબુદ્ધકોટિનિર્માણપટીયાન્ ધૃતધર્મધાતુ વાગીશ્વરલીલઃ ॥