વિવાહપટલ · શ્લોક 41-60

અનિષ્ટસ્થાનસંસ્થો ઽપિ પ્રશસ્તફલદઃ શશિઃ।
સૌમ્યભાગે ઽધિમિત્રણ [ઉ. ઽધિમિત્રેણ] બલિના ચેન્ નિરીક્ષ્તઃ॥

નરગ્રહબલે સ્ત્રીણાં પુમાન્ ભવતિ બલ્લભઃ।
વિપરીતે ઽઙ્ગના ભર્તુર્ અર્થાદ્ અન્યત્ પ્રકલ્પયેત્॥

શુક્રસૂર્યાસ્તપતિષુ શત્રુભે વા તદંશકે।
વિરોધમૂઢા યાત્ય્ આશુ શ્વસ્રુશ્વસુરભર્તૃષુ॥

વિલગ્નાંશઃ સ્વનાથેન યદ્ય્ ઉદ્વાહે ન દૃશ્યતે।
પુંવિનાશસ્ તતો ઽસ્તાંશે યદ્ય્ એવં યોષિતસ્ તથા॥

ગુરુસિતયોર્ ઉચ્ચગયોર્ એકતમે વા વિલગ્નગે કન્યા।
રાજ્ઞિ ભવત્ય્ અસંશયમ્ એવ ગુરુસૌમ્યયોશ્ ચોઢા॥

સ્વજામિત્રોદયે લગ્ને શુભે કાર્યા ચતુર્થિકા।
સ્વવર્ણસદૃશા જારાસ્ ત્ર્યાદ્યૈર્ એકર્ક્ષસંસ્થિતૈઃ॥

ચરભવનગતં વિહાય સત્યઃ શશિનમ્ ઉવાચ શુભપ્રદં વિવાહે।
મુનિવચનવિરોધિ તચ્ ચ સૂત્રે ન તુ કથિતે પવનર્ક્ષવૈશ્વદેવે॥

રાશ્યુદ્ગમદ્વાદશરાશિચક્રે યુક્તા વિવાહા મુનિભિઃ પ્રદિષ્ટા।
નામાનિ ચક્રે ગ્રહયોગલગ્ને શ્રીદેવકીર્તિઃ શૃણુ તસ્ય ચ ઽઽર્યા॥

નન્દો ભદ્રો જીવો જીમૂતઃ સ્થાવરો જયો વિજયઃ।
વ્યાલો રસાતલમુખઃ ક્ષયસ્ તમો ઽન્ત્યો વિવાહગણઃ॥

સૌમ્યે વિલગ્ને નન્દઃ શુક્રે ભદ્રસ્ તથા ગુરૌ જીવઃ।
આદ્યન્તૌ જીમૂતઃ સ્થાવર ઇતિ મધ્યમાન્ત્યાભ્યામ્॥

સૌમ્યૈર્ અથ તૈર્ વા રવિભૌમશનૈશ્ચરૈઃ ક્રમશઃ।
સૌમ્યૈઃ જ્ઞેયા સૌમ્યા ક્રૂરાઃ ક્રુરૈઃ [ઉ. ક્રૂરૈઃ] સમાખ્યાતા॥

દિનકરયોગાદ્ વ્યાલો ભૌમેન રસાતલઃ ક્ષયઃ શનિના।
તમસા તમો નિરુક્તો ઽથાન્ત્યે કેતો [ઉ. કેતોર્] કૃતાન્તશ્ ચ॥

ત્રિષુ નન્દાદિષુ રાજ્ઞી ચતુર્ષુ ચાતઃ પરં મહાદેવી।
વ્યાલાદ્યેષુ ચ પઞ્ચષુ વિધવાઃ શોચ્યા દરિદ્રાશ્ ચ॥

અનધિકૃતઃ શુભકૃત્ સ્યાદ્ એતે [ઉ. એતૈશ્] ચન્દ્રો ઽન્યથા ઽધિકૃતઃ।
તસ્માત્ વિવાહસમયે ન કેન ચિત્ સઙ્ગતઃ શશી ધન્યઃ॥

સપ્ત તે શશિયોગા સૌમ્યા [ઉ. સૌમ્યૈઃ] સહ સર્વકર્મસિદ્ધિકરાઃ।
અશુભફલદાસ્ તુ પાપૈઃ પત્યુદ્વહને વિવર્જ્યાસ્ તે॥
તસ્માદ્ એતાન્ યોગાન્ મતિમાં[સિચ્.] સઞ્ચિવ્ત્ય [ઉ. યુઞ્જીત] સર્વકાર્યેષુ।

ઊઢા નન્દે કન્યા દેવીશબ્દં સમાપ્નુયાદ્ અચિરાત્॥
ભવતિ નરેન્દ્રજનની ભર્તુઃ પ્રાણૈઃ પ્રિયા ચૈવ।

ભદ્રે પાણિગ્રહણે યદિ નામ કુમારિકા સમુપયાતિ॥
સા ત્વરિતાન્ નૃપશબ્દં કરોતિ ભાર્તુઃ કુલસ્યાપિ।

પરિણીતા જીવાખ્યે કન્યા વિજયાય કીર્ત્યતે ભર્તુઃ॥
પ્રાપ્નોતિ સા ત્રિવર્ગં કુલદ્વયં ચાપિ નન્દયતિ।

જીમૂતે પરિણીતા વિપુલાન્ ભોગાન્ મહાફલાન્ ભુક્ત્વા॥
દૃષ્દ્વા ચ નપ્તૃતનયાન્ સહભર્તા દેવત્વમ્।

સ્થાવરયોગે કન્યા પાણિગ્રહમ્ એત્ય વિપુલમ્ ઐશ્વર્યમ્॥
ભર્તુર્ નિધાનલાભાન્ પ્રાપ્ય કુલસ્યોન્નતિં કુરુતે।