વિવાહપટલ · શ્લોક 21-40

પ્રીતિર્ જન્મસુ તારકાસુ પરતઃ સઞ્જ્ઞાનુરૂપં ફલમ્।
ચન્દ્રે ચોપચયા ઽઽદ્યસપ્તમગતે સૌભાગ્યસૌખ્યાપ્તયઃ॥

નક્ષત્રતુલ્યં ફલમ્ આહ ગર્ગઃ ક્ષેણેષુ નક્ષત્રપસઞ્જ્ઞિતેષુ
હારીતબભ્રૂ દ્વિજદેવલશ્ ચ વિષ્ટિ વિના ઽન્યત્ કરણં પ્રશસ્તમ્॥

તિથિદિનકરણર્ક્ષલગ્નવીર્યં પરિચયમ્ આહ પરાશરઃ ક્રમેણ।
તિથિર્ ઇતિ બલબાન્ વદન્તિ ગર્ગાઃ કરણબલાદ્ દિવસો ઽપિ ભાગુરિશ્ ચ।
દિનકરણબલાદ્ ભૃગુર્ ભવીર્યં બલમ્ ઉદયસ્ય જગાદ જીવશર્મા॥

કરણભતિથયો ઽર્ધભુક્તભોગાઃ સ્વફલકરા ન ભવન્તિ તત્ર સામ્યે।
કરણતિથિવાસરોદયાનાં ચરણવિવૃત્થિર્ અનુક્રમાત્ ફલાનામ્॥

ષટ્કાષ્ટકે મરણવૈરવિયોગદોષા દ્વિર્ દ્વાદશે નિધનતા ઽપ્રજાતા ત્રિકોણે।
પ્રીતિઃ પરા નિગદિતા સમસપ્તકેષુ શેષેષ્વ્ અનેકવિધસૌખ્યસુતાર્થસંપત્॥

ષટ્કાષ્ટકે ઽપિ ભવનાધિપમ્ એવ ભાવ
એકાધિપત્યમ્ અવલોક્ય ચ વશ્યરાશિમ્।
કાર્યો વિવાહસમયઃ શુભકૃત્ સદુક્તઃ
સ્તારા [ઉ. તારા] ભવેદ્ યદિ પરસ્પરતો ઽનુકૂલા॥

દારિદ્રયં [ઉ. દારિદ્ર્યં] રવિણા કુજેન મરણં સૌમ્યેન નસ્યુઃ પ્રજાઃ
દૌર્ભાગ્યં ગુરુણા સિતેન સહિતે ચન્દ્રેણ સાપત્નિકા।
પ્રવ્રજ્યાર્કસુતેન સેન્દુજગુરૌ વાઞ્છન્તિ કેચિત્ છુભમ્
વ્યાધ્યૈર્ મૃત્યુર્ અણંગ્રહૈર્ [ઉ. અસઙ્ગ્રહૈર્] બહુવિધા દીક્ષા પ્રવાસાઃ શુભૈઃ॥

ક્રિયે કુમારેષ્વ્ અનુરક્તચિત્તા વિહીનવિત્તા ગવિ ગોવ્રતા ચ।
કુલદ્વયાનન્દકરી તૃતીયે કુલીરલગ્ને કુલટા નૃશંસા॥

હરૌ પ્રસૂતા સકૃદ્ આશ્રિતા પિતુઃ પતિપ્રિયા ઽતિ શ્વશુરસ્ય ષષ્ઠભે।
તુલાદિમાનાર્થવતી તુલાધરે તથાલિનિ ક્રન્દતિ નિત્યમ્ અસ્થિરા॥

ધનુષિ કુલટા તત્પૂર્વાર્દ્ધે સતીત્ય્ અપરે જગુઃ।
મૃગઝષઘટેષ્વ્ અન્યાશક્તા જરામ્ ઉપગચ્છતિ॥

દ્વિપદભવનપ્રાપી યો ઽંશઃ સ શુભો ઽન્યગૃહોદયે।
દ્વિપદભવનેષ્વ્ અપ્ય્ અન્યાંશા ન ભવન્તિ શુભાવહા॥

ભાનુર્ મૃત્યુર્ ન બહુધનતાં ભર્તૃદાયાદ્ અવિત્તં [ઉ. વિત્તં] બન્ધુધ્વંસં તનયવિરહં ભર્તૃવૃદ્ધિં પરાં ચ।
વૈધવ્યં સ્યાન્ [ઉ. પ્રાક્] ન લઘુમરણં ધર્મહાનિં વિશીલં લાભાનેકાન્ વ્યયમ્ અપિ દદાત્ય્ ઉદ્ગમર્ક્ષાત્ ક્રમેણ॥

શશિન્ય્ અશ્વા સાર્થા તદ્ અનુ શુભતા બાન્ધવહિતા વિપુત્રા બન્ધ્યાર્તા ભવતિ સસપત્ના [ઉ. સપત્ના] ઽઽશુનિધના।
જનિત્રી કન્યાનામ્ અથ વિહતકર્મા ઽતિધનિની વ્યયાશક્તેત્ય્ એકે જગુર્ અશુભદા બન્ધુષુ જલે॥

મૃત્યુર્ નૈઃસ્વં સાર્થતા બન્ધુવૈરં ન સ્યુઃ પુત્રા ભર્તૃવૃદ્ધિં કુમૈત્રીમ્।
રક્તસ્રાવો નાનુકુલ્યે ચ ભર્તુઃ ક્રવ્યાચ્છૈલ્યં સ્વાપ્તિનાશં ચ ભૌમે॥

ભર્તૃવ્રતા સુગૃહિણી પતિપક્ષપૂજ્યા બન્ધ્વર્ચિતા બહુસુતા વિજિતારિપક્ષા।
બન્ધ્યા વ્યસુર્ નિયમદાનકૃશાઙ્ગવિત્તા માયાવતી ધનવતી વ્યયનીય [ઉ. વ્યયની] સૌમ્યે॥

પત્યુઃ પ્રિયા ઽતિ ધનિની મુદિતા ધન્યાઢ્યા પુત્રાન્વિતા હતપરા ન સમેતિ ભર્તા।
ક્ષીણાયુષા શુભરતા શુભસિદ્ધકાર્યા સ્વાયાન્વિતા તદુભયોપકૃતા ચ જીવે॥

પ્રિયા પત્યુર્ લુબ્ધા પતિસહજશક્તા કુલહિતા
સુપુત્રા વૈરાઢ્યા તદ્ અનુ કુલટા ક્ષિપ્રનિધના।
રતા નિત્યં ધર્મે બહુકુશલકર્મણ્ય્ અભિરતા
ભવત્ય્ આયપ્રાયા ક્ષપિતવિભવા ચેતિ ભૃગુણા॥

પુંશ્ચલ્ય્ અસ્વા બહુધનવતી સ્વલ્પદુગ્ધાર્કપુત્રે
હૃદ્રોગાઽઽર્તા વિનિહતપરા ગર્ભવિસ્રાવશીલા॥
રોગાન્ મુક્તા સ્ખલિતનિયમા પાપશીલા ઽતિવિત્તા
પાનૈર્ અર્થાન્ નયતિ વિલયં પ્રાવિલગ્નાત્ ક્રમેણ॥

સૌમ્યા વ્યયાસ્તનિધનં ત્ર્યરિભં ચ શુક્રે [ઉ. શુક્રઃ] હિત્વા સ્થિતસ્ ત્રિધનલાભગતઃ શશાઙ્કઃ।
પાપા ત્રિષડ્નિધનલાભગતા વિવાહે હિત્વા ઽષ્ટમં ક્ષિતિજમ્ ઇષ્ટફલાનિ દદ્યુઃ॥

સુતહિબુકવિયદ્વિલગ્નધર્મેષ્વ્ અમરગુરુર્ યદિ દાનવાર્ચિતો વા।
યદ્ અશુભમ્ ઉપયાતિ તચ્ છુભત્વં શુભમ્ અપિ વૃદ્ધિમ્ ઉપૈતિ તત્પ્રભાવાત્॥