વિષ્ણુસ્મૃતિ · અધ્યાય 29

અધર્મેણ ચ યઃ પ્રાહ યશ્ ચાધર્મેણ પૃચ્છતિ
તયોર્ અન્યતરઃ પ્રૈતિ વિદ્વેષં વાધિગચ્છતિ ॥

ધર્માર્થૌ યત્ર ન સ્યાતાં શુશ્રૂષા વાપિ તદ્વિધા
તત્ર વિદ્યા ન વક્તવ્યા શુભં બીજમ્ ઇવોષરે ॥

વિદ્યા હ વૈ બ્રહ્મણમ્ આજગામ ગોપાય મા શેવધિષ્ટે ઽહમ્ અસ્તિ
અસૂયકાયાનૃજવે ઽયતાય ન માં બ્રૂયા અવીર્યવતી તથા સ્યામ્ ॥

યમ્ એવ વિદ્યાઃ શુચિમ્ અપ્રમત્તં મેધાવિનં બ્રહ્મચર્યોપપન્નમ્
યસ્ તે ન દ્રુહ્યેત્ કતમચ્ ચ નાહ તસ્મૈ માં બ્રૂયા નિધિપાય બ્રહ્મન્ ॥