વિષ્ણુસ્મૃતિ · અધ્યાય 28

એવં ચરતિ યો વિપ્રો બ્રહ્મચર્યમ્ અતન્દ્રિતઃ
સ ગચ્છત્ય્ ઉત્તમં સ્થાનં ન ચેહાજાયતે પુનઃ ॥

કામતો રેતસઃ સેકં વ્રતસ્થસ્ય દ્વિજન્મનઃ
અતિક્રમં વ્રતસ્યાહુર્ ધર્મજ્ઞા બ્રહ્મચારિણઃ ॥

એતસ્મિન્ન્ એનસિ પ્રાપ્તે વસિત્વા ગર્દભાજિનમ્
સપ્તાગારં ચરેદ્ ભૈક્ષં સ્વકર્મ પરિકીર્તયન્ ॥

તેભ્યો લબ્ધેન ભૈક્ષ્યેણ વર્તયન્ન્ એકકાલિકમ્
ઉપસ્પૃશંસ્ ત્રિષવણમ્ અબ્દેન સ વિશુધ્યતિ ॥

સ્વપ્ને સિક્ત્વા બ્રહ્મચારી દ્વિજઃ શુક્રમ્ અકામતઃ
સ્નાત્વાર્કમ્ અર્ચયિત્વા ત્રિઃ પુનર્ મામ્ ઇત્ય્ ઋચં જપેત્ ॥

અકૃત્વા ભૈક્ષચરણમ્ અસમિદ્ધ્ય ચ પાવકમ્
અનાતુરઃ સપ્તરાત્રમ્ અવકીર્ણિવ્રતં ચરેત્ ॥

તં ચેદ્ અભ્યુદિયાત્ સૂર્યઃ શયાનં કામકારતઃ
નિમ્લોચેદ્ વાપ્ય્+અવિજ્ઞાનાજ્ જપન્ન્ ઉપવસેદ્ દિનમ્ ॥