વિષ્ણુસ્મૃતિ · અધ્યાય 30

લૌકિકં વૈદિકં વાપિ તથાધ્યાત્મિકમ્ એવ વા
આદદીત યતો જ્ઞાનં ન તં દ્રુહ્યેત્ કદાચન ॥

ઉત્પાદકબ્રહ્મદાત્રોર્ ગરીયાન્ બ્રહ્મદઃ પિતા
બ્રહ્મજન્મ હિ વિપ્રસ્ય પ્રેત્ય ચેહ ચ શાશ્વતમ્ ॥

કામાન્ માતા પિતા ચૈનં યદ્ ઉત્પાદયતો મિથઃ
સંભૂતિં તસ્ય તાં વિદ્યાદ્ યદ્ યોનાવ્ ઇહ જાયતે ॥

આચાર્યસ્ ત્વ્ અસ્ય યાં જાતિં વિધિવદ્ વેદપારગઃ
ઉત્પાદયતિ સાવિત્ર્યા સા સત્યા સાજરામરા ॥

ય આવૃણોત્ય્ અવિતથેન કર્ણાવ્ અદુઃખં કુર્વન્ન્ અમૃતં સંપ્રયચ્છન્
તં મન્યેત પિતરં માતરં ચ તસ્મૈ ન દ્રુહ્યેત્ કૃતમ્ અસ્ય જાનન્ ॥