વિષ્ણુસ્મૃતિ · અધ્યાય 11

યો હસ્તયોઃ ક્વચિદ્ દગ્ધસ્ તમ્ અશુદ્ધં વિનિર્દિષેત્
ન દગ્ધઃ સર્વથા યસ્ તુ સ વિશુદ્ધો ભવેન્ નરઃ ॥

ભયાદ્ વા પાતયેદ્ યસ્ તુ દગ્ધો વા ન વિભાવ્યતે
પુનસ્ તં હારયેલ્ લોહં સમયસ્યાવિશોધનાત્ ॥

કરૌ વિમૃદિતવ્રીહેસ્ તસ્યાદાવ્ એવ લક્ષયેત્
અભિમન્ત્ર્યાસ્ય કરયોર્ લોહપિણ્ડં તતો ન્યસેત્ ॥

ત્વમ્ અગ્ને સર્વભૂતાનામ્ અન્તશ્ ચરસિ સાક્ષિવત્
ત્વમ્ એવાગ્ને વિજાનીષે ન વિદુર્ યાનિ માનવાઃ ॥

વ્યવહારાભિશસ્તો ઽયં માનુષઃ શુદ્ધિમ્ ઇચ્છતિ
તદ્ એનં સંશયાદ્ અસ્માદ્ ધર્મતસ્ ત્રાતુમ્ અર્હસિ ॥